Dili, 15 Janeiru 2025 (Média Democracia) – Sekretáriu Estadu Formasaun Profesionál no Empregu (SEFOPE) liuhusi Diresaun Nasional Empregu Estranjeiru (DNEE), asina deklarasaun ho traballadór Timor-Oan hamutuk 43, molok aranka ba servisu iha Korea Sul.
Sekretariu Estadu Formasaun Profesional no Empregu (SEFOPE) Rogerio Araujo Mendonça hateten, Diresaun Nasional Empregu Estranjeiru (DNEE) ho funsionariu sira hotu ne’ebé halo relasaun di’ak no servisu di’ak tebes, ne’ebé haree iha 15 fulan Janeiru tinan 2025 haruka tan traballadór Timor-oan hamutuk 43 hodi ba servisu iha Korea do Sul.
SEFOPE agradese ba HRD governu Korea do Sul nia servisu hamutuk ho Sekretariu Estadu Formasaun Profesional no Empregu (SEFOPE) hodi prepara formasaun, rekrutamentu Timor-oan sira sai hanesan kandidatu traballadór.
“Traballadór Timor-oan hamutuk ema na’in 43 ne’ebé uza sapeo ho kamizola RDTL imi la’os husi Munisipiu A no Ba, maibé imi sai husi ne’e nu’udar Timor oan.” Nia dehan ba Jornalista sira iha salaun Timor Lodge, Kuarta (15/01)
Nia hatutan liuhusi serimónia sira hanesan ne’e importante tebes hodi nune’e bele eduka joven sira oinsá atu ba tuir regulamentu ne’ebé hatu’ur ona husi estadu rua ne’e.
“Nune’e eduka joven sira ba ne’e ho skill natón no sira fila-fali mai aumenta tan esperensia ne’ebé iha no ho fundus ne’ebé bele apoiu mós familia uma laran no sira fó kontribuisaun ba rai doben Timor-Leste.” Nia dehan
SEFOPE husu ba traballadór Timor-oan foun kuase ema na’in 28 no ema na’in 15 re-entry, tenke banati tuir traballadór Timor-oan sira ne’ebé re-entry, tanbá sira ba servisu la halai ses husi sistema.
Bainhira traballadór sira servisu di’ak, kompaña na’in fiar duni sira tanba servisu di’ak no fó benefisiu ba empregadór.
“Ohin empregadór sira bolu fila-fali sira priense kontratu tinan ha’at, ha’u hateten ba traballadór Timor-oan 28 tenke kuidadu bainhira atu ba servisu iha Korea Sul, no labele sai ilegal.” Nia Afirma
Nia informa, iha fulan hirak ba kotuk traballadór sira ba hanesan ne’e foin ba tama fatin formasaun nia iha Korea do Sul no nia maluk bolu nia hodi halai-ses husi sistema no sorti nia koopera tanbá nia halai kalan tomak ho loron tomak.
“Ne’ebé ita anunsia husi Gabinete SEFOPE nia no nia mai entrega nia-a’an, Korea do Sul bainhira ita-boot sira kaer telefoni iha ita-boot sira nia liman servisu iha ne’ebé, maibé ami halo karta haruka ba Embaixada Korea do Sul iha Timor-Leste haruka ba HRD Korea do Sul katak ema ba kaer imi iha kompaña haruka diporta fila mai Timor-Leste, Ha’u lakoi halo buat sira ne’e, nomos imi fila mai iha ne’e susar tebes ho kampu traballu, tanbá ne’e ha’u husu ba traballadór Timor-oan sira foun tenke servisu ho di’ak no tenke tuir regulamentu ga jriteria ne’e iha nanais ona.” Nia Informa
Iha fatin hanesan Diretor DNEE João Correia pereira hateten, iha tinan 2025 hahú husik hela alin sira hamutuk 43 inklui feto ida, no sira sei ba servisu iha area pekas hamutuk 20, fabrika 8 no Re-entry nain 15.
“DNEE fó hatene ita hotu iha ne’e katak, sira ne’e ita bele dehan servisu nain servisu empregadór sira dehan di’ak tebes, tanba la fasil sira tinan lima iha ne’eba hamutuk ho empregadór no sira fila mai TL, hodi empregador fiar sira hodi bolu fila-fali ba Korea hamutuk ho sira tinan lima.” Nia esplika
Entretantu traballadór sira sei aranka iha 20 de janeiru no sira sei to’o iha korea iha 21 de janeiru 2025, husu ba traballadór sira kuidado-an nafatin, tanba sei halo teste saude dala ida tan, signifika sei kuidadu-an husi oin ba oin to’o sei teste iha HNGV.
DNEE husu ba inan-aman sira kuidado hamutuk tanba Oportunidade sei la mai dala rua antes sira atu hetan oportunidade hanesan mós iha prosesu makas nia laran ho pasensia tomak, maibé ho sira-nia pasensia mak sira bele hetan oportunidade ida ne’e.
Reportajen : Estefania
Foto : Estefania