Dili 09 de Marsu 2026 (Media Democracia)-Sekretáriu Estadu Formasaun Profisionál no Empregu (SEFOPE) Lansa Portal ba Traballadór sira atu nune’e traballador bele asesu liuhusi online no bele mós mai direta edifisiu ka manual.
Tuir Sekretáriu Estadu Formasaun Profisional no Empregu (SEFOPE) Rogério Araújo Mendonça hateten lansamentu portal ba trabalhadór ne’e importante tebes hodi estabele ona unidade estratéjia laboral oinsa ita nia funsionariu hotu ne’ebe mak servisu ba programa PALM ne’e rasik servisu ho sistema no baze de dadus.
“Ohin ita halo lansamentu portal traballadór ne’e importante tebe-tebes hodi estabelese ona unidade estratejia laboral oinsa ita nia funcionaru sira hotu ne’ebe mak servisu ba programa PALM ne’e rasik servisu ho sistema no servisu ho baze de dadus tamba hare ba iha tinan hirak liu ba ita uza sistema ne’ebe maske update ba iha sistema foun ho sistema ne’ebe ohin lansa portal traballadór ida ne’e hatudu katak sefope servisu garante nia kualidade,transparansia nomos garante kualidade ne’ebe mak di’ak atu nune’e ema hotu-hotu ne’ebé maka iha parte nasional tantu iha munisipio no postu bele asesu” Dehan Sekretariu Estadu Formasaun Profisional no Empregu (SEFOPE) Rogério Araújo Mendonça
Sekretáriu Estadu ne’e mós informa husi lansamentu ida ne’e fasilita di’ak liutan ba kandidatu traballadór hotu hare tamba de’it dokumentus kiik-oan ida husi postu,municipio tenke lori sira nia dokumentus mai to’o iha nacional ho oportunidade ida ne’e espera katak maluk timoroan balun iha laptop, telemovél atu nune’e sira bele asesu direta liu husi portal ne’e
Iha Sorin Seluk Diretór Direçao Nacional de Emprego Estrangeiro João Pereira Correia hateten, objetivu husi lansamentu portal traballadór nian atu tulun traballadór sira hodi konfirma sira nia dokumentus liu husi portál refere.
“DNEE nia objetivu atu hamutuk lansa portal ida ba maluk traballadór ne’ebé mak envolve an ona iha programa pacific Australia Labour Mobility (PALM) no mós traballadór ne’ebe mak sistema ne’e envolve hahu iha tinan 2019 mai to’o tinan ne’e SEFOPE liuhusi DNEE lansa portal ida ba maluk traballador ne’ebe mak iha hela oportunidade nomós sira ne’ebe hetan ona oportunidade ba servisu iha nasaun ne’ebe de’it” dehan Diretór DNEE
Portál traballadór ida ne’e bele asesu direta sira nia perfíl rasik no bele hare rasik prosesu sira nian to’o iha ne’ebé no faze ida ne’ebé mak traballadór sira hein dalaruma mai direta hodi husu informasaun iha ne’e maibe agora iha ona faze rua ne’ebe traballadór bele asesu online no ba traballadór ne’ebe mak la komprende bele asesu manual mai direta iha edifisiu tantu iha nasionál nomós iha municipio hotu, portal ida ne’e mós la hotu iha ne’e iha sei iha programa sei lori ba municipio hotu-hotu atu nune’e ita nia maluk timoroan bele asesu hotu.
Reportajem : Estajiadu Marito
Foto : Marito