Dili 12 de Juñu 2025 (Media Democracia) – Governu liu husi Sekretariu Estadu Kooperativa (SEKoop) fasilita treinamentu durante loron rua ba grupu Kooperativa sira kona-ba prosesamentu ba bafo kayarala sai hanesan ai-han oioin, atividade ne’e hala’o iha, Salaun Esperansa Elemloi Delta
Iha entrevista Sekretáriu Estadu Kooperativa (SEKoop) Arsénio Pereira da Silva hatete, programa ida ne’e tama iha Planu Asaun Anual iha tinan 2025 ne’ebé iha ona produtu presiza transforma sai produtu finais tanba kultiva Bafo Kayarala hanesan materia prima oioin. Movimentu Kooperativa sira sei produz depois transforma hotu sai hanesan produtu no lori ba merkadu, grupu Kooperativa sira mai tuir treinamentu ne’e mak hala’o duni atividade besik kafetaria.
“Feto pontesial sira ne’e atu fornese ba instituisaun governu ho estadu hakarak produtu lokál, entaun sira mai aprende hodi produtu lokal sai hanesan ai-han oi-oin iha rai laran, programa governu nian hanesan komuniste agrikola ida ne’ebé bele fornese ba merenda eskolar, tanba merkadu mak merenda eskolar no presiza produz ai-han ne’ebé nutrietivu.Transforma ai-han ne’ebé nutrietivu hodi bele fo oan sira konsumu hahan nutriesaun diak , ba desenvolvementu fisiku no hanoin diak atu nune’e sira estuda ho di’ak.” Dehan Sekretáriu Estadu Kooperativa (SEKoop) Arsénio Pereira da Silva
Nia hatutan produsaun Bafo Kayarala iha Rejiaun Administrativu Espesial Oe-kussi Ambenu (RAEOA) , Likisa, Covalima, Ermera halo promosaun ida ne’e grupu ida seidauk halo. Maibé husi Diresaun Nasional Promosaun Produtu no Kooperativa ne’e halo ba dose, chokolat , sasoro no sira seluk tan, depois sira halo promosaun ba oan sira koko depois sira fo komentariu. Ho kuaze produtu sira ne’e ba promove iha ne’eba sira hadau malu de’it, oan sira dehan di’ak tanbá halo ba sasoro, paun ho dose no sira seluk tan.
“Eventu barak Sekretáriu Estadu Kooperativa (SEKoop) halo promosaun foin dadauk iha portu Dili sira halo dose no balun sai hanesan batar sona nune’e vizitator sira ba oferese gratuita no balun fan hodi hetan fali osan. (SEKoop) sei fo treinamentu ba grupu kooperativa sira ne’ebé hanesan CU. Dadirah total membru ema na’in 2, Cu. KFTL ema na’in, CU. MBX ema na’in 4, CU. Pão Moris ema na’in 2, CU. Feto Potensial ema na’in 2, Dino Cetring ema 6, CU. Empredorismo ema na’in 2 no CU. Fe ema na’in 2.” Dehan Sekretáriu Estadu Kooperativa SEKoop
Iha fatin hanesan Diretóra Nasional Promosaun Produtu no Kooperativa, Ana Paula Pacheco de Fatima Magno hatete, formasaun ida ne’e tau planu ba da-ruak ne’ebé hala’o iha Munisipiu Ainaro, Lautem, Baucau no Vikeke no ikus liu iha Dili.
“Ita hotu hatene Produsaun Bafo Kayarala hanesan produtu prinsipal ne’ebé tama iha Governu dasia Konstituisionál liuhusi (SEKoop), Iha lei organika katak Kooperativa hanesan prestasaun Bafo Kayarala ho nune’e, liuhusi Diresaun Nasional Promosaun Produtu no Kooperativa ohin realiza treinamentu ba membru Kooperativa sira. Oinsá atu halo prosesamentu ba produtu Bafo Kayarala hodi sai ai-han oi-oin ho nutrisaun di’ak, karik iha merenda eskolar hodi fornese ba territoriu Timor laran.” Dehan Diretóra Nasional Promosaun Produtu no Kooperativa, Ana Paula Pacheco de Fatima Magno
Nia reafirma Nune’e hanesan Bafo Kayarala pontesia bele fornese ba iha merkadu nasional no internasional, atu introdus partesipante sira ohin tuir treinamentu hamutuk ema na’in 22. Diresaun Nasional Promosaun Produtu no Kooperativa husu membru Kooperativa sira utiliza formasaun ida ne’e loron tolu hodi simu materia pratika husi tekniku sira fó ne’e ba oin servisu hamutuk desenvolve produtu Bafo Kayarala
Esplika liután Governu liuhusi Sekretariu Estadu Kooperativa (SEKoop) ho programa, ne’ebé produsaun ne’e tama iha lista depois fornese ba merenda eskolar. Tanba programa ne’e defini ona katak bele prosesa halo modifikasaun ba dose no ai-han oi-oin hodi fornese ba merenda eskolar atu nune’e estudante sira hodi Konsumu
Reporatjen : Domingas
Foto : Domingas