Dili, 05 Janeiru 2026 (Média Democracia) – Palásiu Prezidensiál Nicolau Lobato nakonu ho ksolok, esperansa no espíritu renovasaun bainhira Prezidente Repúblika José Ramos-Horta hala’o serimónia ofisiál kontajen dekresente ba Tinan Foun 2026, liuhusi kolaborasaun ho IX Governu Konstitusionál no hetan apoiu husi sektór privadu sira. Atividade ne’e Média Democracia asesu husi pajina PR Segunda semana ne’e.
Primeiru-Ministru, Kay Rala Xanana Gusmão hateten, hodi partilla mos reflesaun ida ne’ebé kle’an husi Livru Eclesiastes, hodi fó hanoin katak iha “tempu ba buat hotu” iha lalehan nia okos katak iha tinan 2026 tenke sai tinan atu “harii” no “kura”, hodi husu ba nasaun atu unidade ho objetivu hanesan.
“Mai ita rai hela buat ne’ebé ladún di’ak iha kotuk nune’e mai ita lori fali esperansa, pas no domin ba tinan 2026. Tempu atu haksolok mak agora.” Dehan Primeru-Ministru Kay Rala Xanana Gusmão
Primeiru Ministru afirma, serimónia ne’e remata ho kontajen dekresente ne’ebé emotiva ba Tinan Foun, ne’ebé Prezidente Ramos-Horta ho konvidadu internasionál sira sai sasin hamutuk. Bainhira fuguete sira fó naroman ba lalehan Dili nian iha kalan-boot, atmosfera ne’e nakonu ho unidade ne’ebé kle’an, hodi marka inísiu tinan ida ne’ebé dedika ba progresu nasionál no hametin liután identidade kulturál no konsolidasaun demokrátiku Timor-Leste nian.
“Lista Ofisiál Manán-na’in Kompetisaun Prezépiu, Kategoria Grupu Adultu 1.º lugar – Fitun Naroman (85), Aldeia 05. 2.º lugar – Alto PM (28), Aldeia Alto PM. 3.º lugar – Naktuki (59), Aldeia Manu Mat. 4.º lugar – Airu-Sorun (03), Aldeia Suca Lau. 5.º lugar – Kadalak (51), Aldeia Nu Badak. 6.º lugar – CDITL (05), Aldeia Becusi Centru. 7.º lugar – Halibur (02), Aldeia Centru Unidade. 8.º lugar – 30 de Agosto (64), Aldeia 30 de Agosto. 9.º lugar – Ave Maria (40), Aldeia 4 de Setembro. 10.º lugar – Fomento 3 (21), Aldeia Fomento 3.” Afirma Primeru Ministru
Kategoria Infantil 1.º lugar – Suca Lau (24), Aldeia Suca Lau. 2.º lugar – Lafaek (66), Aldeia Golgota. 3.º lugar – Perundes (41), Aldeia 4 de Setembro. 4.º lugar – Angel (47), Aldeia Golgota 5.º lugar – Rai Mean (44), Aldeia Rai Mean. Nune’e manán-na’in Kategoria Espesiál: Prémiu apresiasaun ba konstrusaun Prezépiu iha Rezidénsia Farol fó ba Galeria Memoria Viva (68), Aldeia Dare.
Esplika liután selebrasaun ne’e hetan partisipasaun husi lider nasionál sira, korpu diplomátiku, parseiru internasionál sira, reprezentante sosiedade Sivíl no komunidade sira, simboliza tranzisaun entre tinan ida ne’ebé nakonu ho dezafiu no futuru ida ne’ebé promisór. Selebrasaun ne’e konta ho atuasaun muzikál no anúnsiu ba manán-na’in sira husi Kompetisaun nasionál Prezépiu Natál, ne’ebé nakonu ho kreatividade kulturál no fiar povu Timor-Leste nian.
Reportajen : Nelfiano
Foto : Media PR