Dili, 25 Fevereiru 2025 ( Média Democracia ) – Sekretáriu Estadu ba Formasaun Profisionál no Empregu (SEFOPE), Rogério de Araújo Mendonça hateten Timor-Leste iha preparasaun di’ak ba iha sentru formasaun akreditadu no rejistradu ne’ebé estabelese iha rai laran.
“Ha’u hanoin preparasaun espesifiku ita-boot sira akompaña tiha ona, ita iha ona sentru formasaun akreditadu 34 ne’ebé rejistradu, signifika katak sentru formasaun sira ne’e hetan lisensa operasionais, mesmu tempu governu Australia suporta makás liubá iha mobilidade laboral.” Dehan Sekretáriu Estadu Rogério de Araújo Mendonça iha Edifísiu SEFOPE Caicoli Segunda ne’e
Nia relata tan katak iha tinan 2024 Governu Australia apoiu finanseiru ba Govarnu Timor-Leste hodi suporta ba iha área formasaun sira.
“Ita-boot sira akompaña iha tinan 2024, governu Australia liuhusi divias mós suporta orsamemtu ba iha área formasaun, iha tinan 2025 mós apoia nafatin osan 2.1 iha programa ne’e rasik, iha adisionál ne’ebé hato’o ba ita-boot sira.” Relata Rogério de Araújo Mendonça
Governante ne’e informa katak iha tempu badak parte governu Australia sei halo mós investimemtu orsamentu 400 milioes, liuliu harii sentru formasaun ida ne’ebé akreditadu hodi bele responde ba merkadu ne’ebé agora presiza hela. Ita haree semi skill sira ne’e, presiza skill ida ne’ebé di’ak hodi bele kompete ba iha merkadu traballu rai liur.
Atu esplika kle’an liután katak, Joven sira tenki buka koñesimentu lingua nune’e bele hetan oportunidade atu ba servisu iha rai liu, tanba agora mós sentru formasaun sira ne’ebé rejistradu barak tebes ho total 34.
Reportajen : Estefania
Foto : Estefania