Lautem, 25 Dezembru 2024 (Média Democracia) – Ospital sentru saude internamentu CS Nivel II Munisipiu Lautem postu-Administrativu Lospalos pesoal saude hala’o servisu komesa husi segunda to’o sexta feira, nune’e bele atende pasiente sira bainhira hetan dezastre ruma
Tuir Diretora sentru saude internamentu Lospalos, Lolalina da Conseição Freitas hateten, durante ne’e sentru saude internamentu Lospalos nakloke ba pasiente sira husi segunda to’o Sexta feira, nune’e bele fasilita pasiente sira
“Ita-nia atendimentu iha sentru saude internamentu CS Nivel II Lospalos ami baibain hala’o hahu husi segunda too sexta feira tanba servisu saude nian ne’e atu tau matan ba pasiente sira nune’e hodi bele apoiu emerjensia ba moras ruma bainhira pasiente hetan dezastre ka moras seluk.” Dehan Diretóra Lolalina da Conseição Freitas
Nia hatutan sentru saude internamentu Lospalos hala’o servisu diferente ho instituisaun sira seluk saude nia kna’ar atu halo atendimentu ba pasiente sira tanba sentru saude ida sai sentral ba munisipiu Lautem.
“Segunda to’o Sexta feira halo atendimentu ba pasiente sira aleinde ne’e atendimentu ba parte Obidi ninian, ita hatene katan ne’e nivel ll nian signifika katak ita iha internamentu nomos ami iha atividade seluk hanesan siska postu sanulu maibé lolos ne’e ualu de’it, tanba sentru saude Lore nian laiha ne’ebé sei integra iha sentru saude internamentu Lospalos.” Dehan Diretora
Nia salienta liután katak, ne’ebé daudaun ne’e sentru saúde internamentu Lospalos iha postu sanulu hodi atende ba pasiente sira bainhira mai baixa iha Ospital refere.
“Ami mós iha atividade klinika maubail, ami realiza atividade hirak tanba ami hakarak ita-nia komunidade sira bele asesu saude nian iha Ospital refere ho di’ak ne’ebé ami esforsu halo atendimentu iha primaria tanba bainhira tama iha sekundariu nian signifika ema soe ona nia tempu ne’ebé barak.” Dehan nia
Nia afirma kondisaun hanesan estok-out aimoruk iha Ospital refere entaun pasiente sira tenke utiliza sira nia osan rasik hodi hola aimoruk tanba aimoruk iha ospital refere menus
“Ita koalia relasiona ho aimoruk iha Ospital refere 65% sempre iha hela hodi halo atendimentu ba pasiente sira maibé iha injeksaun balun ezemplu hanesan aimoruk sekfreakson, maibé iha fulan tolu kotuk deside ona, ami sentru saúde internamentu Lospalos labele uza ona aimoruk iha ne’e tanba ami laiha dotor espesialista kona-ba parte ida ne’e atu atende pasiente sira.” Nia informa
Esplika kle’an liután katak relasiona ho atividade servisu iha Ospital sentru internamentu Lospalos durante ne’e hala’o servisu komesa segunda to’o Sexta feira maibe iha failansu balun kona-ba Item ualu mak laiha hanesan diklofena, folikasik, prometajin, puskopa, seatfekson, kloksoasilin no Metro, ida ne’e mak dalabarak laiha atu halo atendimentu ba pasiente sira bainhira baixa iha Ospital refere
Reportajen : Nelfiano
Foto : Nelfiano