Dili 12 de Marsu 2026 (Media Democracia)– Sekretariadu Kadalak Sulimutu Institute(SKSI) realiza dialogu nasional entre governu ho sociedade sivil konaba politika rai iha Timor Leste.
Tuir Vise Primeiru Ministru Mariano Assanami Sabinu hateten, defende povu ne’e laiha rohan se hakarak ko’alia didiak sasan ne’e bele halo koordensaun no konbinasaun didiak mas kuandu hare de’it ne’e difisil tebe-tebes oinsá mak bele halo kordenasaun.
“Defende povu ne’e laiha rohan se hakarak ko’alia didiak sasan ne’e ita bele halo koordensaun no konbinasaun didiak mas kuandu hare de’it ne’e difisil tebe-tebes oinsa mak bele halo kordenasaun Direitu ba rai nee direitu ba konstituisional katak ema hotu-hotu iha direitu ba uma no ba rai ne’ebé maka fó seguru ba ema iha konstituisaun mós dehan katak ema ida maske nia kriminozu mas kuandu nia uma laran mak labele kaer duke sai ba li’ur tamba uma ne’e fatin ne’ebé fó seguransa ba ukun na’in ka uma na’in” Dehan Vise Primeiru Ministru Mariano Assanami Sabinu.
Vise primeiru ministru ne’e informa ida ne’e maka prosesu ne’ebé tenke hare didiak buat seluk ne’ebé tenke hare maka rai tenke forti tamba ita iha rai ne’ebé maka lolos fatin ba produsaun maske rai abandona barak ne’ebé ita depende maka ai-han husi rai seluk, uluk avo, ama sira la depende ba ai-han husi rai li’ur mas ohin loron dependente barak ba ai-han mai husi rai seluk.
Vise primeiru ministru ne’e hatutan tan legalmente oinsá mak atu bele ordena tamba partidu politiku barak mak lakoi ko’alia kona-ba problema rai tamba problema rai ne’e komplikadu uluk tempu portugues ita iha rai boot ne’ebé oferese ba ema balu halo sai kintal para bele halo toos ne’e mak iha kintal boot iha fatin oioin desde inisiu sei iha juventude CNRT fó hanoin tiha ona katak presija ordena inisiu agora ona presija iha espasu ida para bele hametin liu tan ita nia visaun ba estadu no nasaun hafoin maka bele tama iha multipartidaria la’os inisiu kedas sasan hotu dada ba iha partidu.
Entretantu Iha dialogo nacional ne’e partisipa maximu husi Vise-primeiru Ministru,Diretór Hak, PDHJ no Terras Propriedades no sosiedade sivil.
Reprotajem : Estajiadu Marito.
Foto : Marito.