Dili, 17 Juñu 2025 (Média Democracia) – Provedór Direitus Humanus no Justisia (PDHJ), Virgilio da Silva Guterres “Lamukan” deklara durante ne’e seidauk simu keisa kona-ba traballador kursu lian Korea 2023 ne’ebé liu ona teste maibé seidauk hetan kontratu husi kompaña Korea.
Provedór Direitus Humanus no Justisia (PDHJ) Virgilio da Silva Guterres “Lamukan” hateten, bain-bain keisa tama iha diresaun atendementu Pùbliku sira halo relatóriu apresiasaun pleminar hafoin lori ba komunika iha jestaun keisa atu deskuti.
“Duarante ne’e ha’u seidauk hetan informasaun ruma parte husi Providor Direitus Humanus no Justisia (PDHJ) no Diresaun Atendementu Pùbliku nian relasiona traballador kursu lian Korea iha tinan 2023 nian.” Dehan Providor Virgilio da Silva Guterres “Lamukan” ba jornalista sira iha salaun katedral, segunda-feira (16/06/2025)
Nia hatutan kona-ba keixa ida ne’e, dala ruma keixa tama ona maibé babain keixa tama iha Diresaun Atendementu Pùbliku halo relatóriu apresiasaun pleminar mak lori ba komunika jestaun keixa hodi diskuti.
Antes ne’e kandidatu traballador kursu lian Korea tinan 2023 realiza konferénsia imprensa hasoru Sekretáriu Estadu Formasaun Profesional no Empregu (SEFOPE), konsidera halo diskriminasaun ba kandidatu traballadór liuhusi Diresaun Nasional Empregu Estranjeiru (DNEE) ne’ebé halo deskriminasaun no atendementu la justu inklui manipulasaun lista traballadór sira nian iha sistema.
Porta-voz kandidatura traballador Korea, Julio da Conseição konsidera hahalok husi Sekretariu Estadu Formasaun Profesional no Empregu (SEFOPE) liuhusi Diresaun Nasional Empregu Estranjeiru (DNEE) halo deskriminasaun ho atendementu la justu iha manipulasaun ba lista refere.
“Ami deskonfia SEFOPE halo manipulasaun ba lista ne’e no servisu transparansa ho substentavel kalae no ami nia haruka ba sira nunku halo Komunikasaun ho ami.” Dehan Porta-voz kandidatura traballador Korea, Julio da Conseição ba Jornalista sira iha Bekora
Nia hatutan durante ne’e kandidatura traballador hotu-hotu submete ona dokumentus ba sira hodi haruka ba Korea maibé to’o agora kandidatu balun la hetan kontratu, ne’eduni husu ba SEFOPE tenke servisu ho di’ak, nune’e traballador hotu bele hetan oportunidade ba servisu iha Korea.
“Ami hahú tuir kursu lian Korea iha tinan 2022 ho durasaun kursu lian Korea durante fulan neen no kolega balun tuir kursu fulan ne’en resin. Depois ami hahú exame ESP TOPIK iha fulan Outobru iha tinan 2023 nia laran no teste valor liu estandar no tuir teste skill ho valor bo’ot maibé to’o agora ami seidauk hetan oportunidade.” Nia relata
Nia informa, tinan ida resin traballador Timoroan sira-nia kontratu la tama, iha biban ne’e nafatin hein to’o tinan ida ID mate no SEFOPE submete fali tanba kandidatu balun dokumentus aprova ona no balun seidauk aprova.
Esplika liután traballador tuir skill teste ESP TOPIK total hamutuk 1141 mak pasa iha exame, prosesu tuir mai SEFOPE haruka kandidatu Timoroan sira tenke kompleta dokumentus iha tinan 2024 to’o 2025. Kandidatura traballador Timoroan kursu lian Korea iha tinan 2023 hamutuk 100 to’o agora kontratu seidauk hetan.
Reportajen : Nelfiano
Foto : Nelfiano