XSK Atualiza Informasaun Iha Munisípiu 7 Afeita Dezastre Naturais

XSK  Atualiza Informasaun Iha Munisípiu 7 Afeita Kazu Dezastre Naturais

Dili 05 Agostu 2025 (Média Democracia) – Autoridade Protesaun Civil APC liuhusi Xefe Seksaun no Komunikasaun (XSK)  realiza Komunikadu Imprensa relata dezastre naturais husi loron 28 Fulan Jullu too 04 Agostu 2025 iha semana ida, Protesaun Sivil rejistu uma-ka’in hamutuk 9 hetan estragus husi dezastre naturais ne’ebé akontese iha Munisípiu 7, komunikadu ne’e hala’o iha Salaun APC Caicoli Díli, Segunda semana ne’e

Xefe Seksaun Komunikasaun (XSK) APC, Genoveva Fernandes Almeida hatete, durante semana ida ne’e akontesementu dezastre iha Munisípiu 7, APC registu uma estragu 9 priense kriteria 6, apoiu emerjensia 3, numeru ema afetadu hamutuk 40 nune’e APC Munisípiu apoiu kedas emerjensia ba vitima sira ne’ebé hetan dezastre

“Durante semana ida nia laran iha Munisípiu 7 Autoridade Protesaun Sivil, Sekretariu Estadu Protesaun Sivil rejistu Munisípiu 7 hanesan Munisípiu Aileu ahi han uma 1, Munisípiu Baucau anin sobu uma 2 no ahi han uma 1, iha Munisípiu Bobonaro ahi han uma 1, Munisípiu Dili ahi han uma 1, Munisípiu Viqueque anin sobu uma 1 nomos iha sub rejiaun RAEOA ahi han uma 1, ida mak dezastre ne’ebé akontese iha semana ida nia laran.” Dehan Xefe Seksaun Komunikasaun (XSK) APC, Genoveva Fernandes Almeida

Nia hatutan iha Munisípiu Baucau Postu Baucau Vila Suku Bahu, Aldeia Anaulu, iha loron 29/07/2025 Akontese Ahi Han komunidade nia uma 1, no tama ba kategoria aat total. Postu Quilicai Suku Maluro, Aldeia Loilubu-wagua, iha loron 27/07/2025 Akontese Anin sobu komunidade nía uma 1, no tama ba kategoria aat naton. Postu Laga Suku Libagua, Aldeia Wibata, iha loron 25/07/2025 Akontese Anin sobu komunidade nia uma 1, no tama ba kategoria aat kaman.

“Munisípiu Aileu Postu Laulara Suku Tohu – meta, Aldeia Berlihu – meta, iha loron 28/07/2025 Akontese Ahi Han komunidade nia uma 1, no tama ba kategoria aat total. Munisípiu Bobonaro Postu Bobonaro Suku Maleubu, Aldeia maleubu, iha loron 23/07/2025 Akontese Ahi han komunidade nia uma 1, prienxe kriteria kategoria aat Total.  Munisípiu Dili Postu Vera-Cruz Suku Mascarinhas, Aldeia Alto PM, iha loron 01/08/2025 Akontese Ahi han komunidade nia uma 1, Hetan deit apoiu emergensia.” Dehan xefe Seksaun Komunkasaun

Nia informa Munisípiu Lautem Postu Lospalos Suku Fuiluro, Aldeia Lospala, iha loron 30/07/2025 Akontese Ahi Han komunidade nia uma 1, apoiu emergensia deit tamba han kuartu sorin deit. RAEOA Sub Rejiaun Pante Makassar Suku Costa, Aldeia Sanane, iha loron 26/07/2025 Akontese ahi han komunidade nia uma 1, tamba dapur, ekipa apoiu deit Emerjensia. Munisípiu Viqueque Postu Uatu-carbau Suku Afaloicai, Aldeia Lakuhu, iha loron 27/07/2025 Akontese anin Sobu komunidade nia uma 1, prienxe kriteria kategoria aat Naton.

Esplika liután daudaun ne’e vitima ba dezastre naturais hamutuk uma 13 sira hetan ona apoiu emerjensia husi komandu APC ho parseriu relevante sira ne’ebé destakadu iha Munisípiu ida-idak nian nune’e hodi apoiu ai-han no la’os aihan ba vitima sira. Aleinde ne’e komandu operasional autoridade protesaun sivil  Munisípiu hotu, sei kontinua halo levantamentu dadus ba uma-kain ne’ebé hetan estragus total no uma ne’ebé hetan estragus naton hodi hein prosesu

Reportajen : Nelfiano

Foto : Nelfiano

Tinggalkan Balasan

Alamat email Anda tidak akan dipublikasikan. Ruas yang wajib ditandai *