Liquiça, 06 Janeiru 2025 (Média Democracia) – Laurinda Gonçalves idade tolu-nulu resin-lima (35), husi Aldeia Mota-Ikun, Suku Mota-Ulun, Postu-Administrativu Bazartete Munisipiu Liquiça, atividades loron-loron ne’ebé nia hala’o mak fa’an ikan hodi responde ba nesesidade uma laran.
Iha entervista ho nia dehan katak senti triste tebes tanba loron-boot ikan ladun folin kompara ho loron bain-bain, loron bain-bain ikan folin liu no hetan rendimentu di’ak tebes.
“Ha’u fa’an ikan ne’e kleur ona ho ha’u nia parseiru, maibé iha loron boot ne’e ha’u senti triste tebes tanba fa’an ikan ladun folin kompara ho loron bain-bain, Iha loron bain-bain fa’an ikan sempre hetan rendimentu diak. Iha loron bain-bain fa’an ikan lima $1 loron ida sempre hetan to’o $50 $100 maibé iha loron boot ne’e fa’an ikan sia $1, fa’an Baratu tiha maibé nafatin la folin no loron ida hetan de’it $15 $20, ikan ne’ebé ami fa’an ne’e la hola tutan maibé ha’u nia parseiru rasik peskador hodi buka ikan loron-loron, atu bele buka netik bukae balun hodi responde ba familia. Osan hirak ne’ebé hetan hodi zere balun selu oan nia eskola no balun responde ba nesesidade loron-loron nian.” Dehan Laurinda Gonçalves iha Mota-Ikun.
Nia esplika liután katak bainhira la ajuda ita-nia parseiru rasik oinsa mak atu bele resposabilidade iha familia, no oan sira liuliu oan sira nia eskola.
“Ha’u sempre ajuda ha’u nia parseiru dader tuku haat (4:00) madrugada ha’u nia parseiru hader no seidauk matabixu ba liu tama tasi hodi buka ikan iha tuku sanulu liu minutu tolu-nulu (10:30), nia sai husi tasi laran ha’u prepara nia matabisu hodi nia bele han no ha’u kontinua arruma ikan sira hodi ba fa’an iha estrada ninin. Ha’u mós prepara oan sira-nia presija hodi ba eskola. Ha’u iha oan na’in lima (5) feto rua (2) no mane tolu (3), no na’in tolu asesu ona eskola pre-primaria.” Dehan Nia
Nia haktuir liután katak moris iha familia ida sempre tulun malu iha servisu saida de’it, no labele fó servisu mesak ba parseiru rasik mak bele buka osan oinsa bele tulun malu iha situasaun ka servisu saida de’it. Nafatin esforsu no badinas pasiensia hodi bele hetan netik bukae ba loron aban nian.
Reportajen : Tomas
Foto : Tomas