Dili, 14 Janeiru 2025 (Média Democracia) – Institito Nasional de Combate Ao HIV-SIDA,I.P (sigla portuges) fahe formasaun ba estudante foun hamutuk 200 resin iha Eskola Sekundariu Geral Nicolau Lobatu Tasi-Tolu kona-ba kombate virus HIV-SIDA iha Timor-Leste.
Tuir Diretora Nasional Promasaun Prevensaun no Komunikasaun INCSIDA.IP Angelica Soares da Costa Oliveira hateten, kada tinan Instititu Nasional de Combate Ao HIV-SIDA,I.P sempre fahe formasaun ba estudante no grupu risku inklui pesoal saude sira.
“Ami kada tinan sempre fahe formasaun Kombate Ao HIV-SIDA ba estudante, grupu risku inklui pesoal saude sira iha Timor-Leste, tanba papel INCSIDA.IP nian atu hodi estudante no komunidade sira atu hatene oinsa bele prevene sira-aan husi moras HIV-SIDA, tanba sira mak jerasaun foun futuru ba nasaun ida ne’e nian.” Dehan Diretora Nasional Promasaun Prevensaun no Komunikasaun INCSIDA, Angelica Soares da Costa Oliveira
Nia hatutan atu prevene-aan husi moras ida ne’e ida-idak tenke iha konsiensia rasik bele hadook-an husi relasaun seksual livre tanba moras ida ne’e susar tebes atu kura bainhira ema ida hetan moras HIV-SIDA
“Atu prevene moras HIV-SIDA ami esforsu-aan nafatin hodi kolabora no servisu hamutuk ho parseiru implementador sira hodi halo peskiza ba area rural suku no aldeia sira, hodi fahe formasaun kona-ba atu prevene moras HIV-SIDA nian, nune’e komunidade sira bele aumenta koñesimentu, Tanba kazu HIV-SIDA ne’e mosu barak liu iha area rural sira tanba menus asesu informasaun.” Dehan Diretora INCSIDA,
Iha fatin hanesan profesór Ensinu sekundariu Geral Nicolau Lobatu, Alcino Monis hateten, apresia tebes tanba liuhusi formasaun ne’ebé Institito Nasional de Combate Ao HIV-SIDA fahe ba estudante foun sira ne’e di’ak tebes tanba bele aumenta sira-nia koñesimentu oinsa bele prevene-aan husi moras HIV-SIDA
“INCSIDA.IP ne’ebé fahe formasaun ba estudante foun sira ha’u sente importante tebes tanba joven sira mak jerasaun foun ba nasaun ida ne’e. Ne’eduni liuhusi formasaun ida ne’e husi eskola halo karta ba INCSIDA.IP hodi fahe formasaun ba estudante sira hanesan bukae ida ba futuru bele prevene-aan di’ak liután husi moras HIV-SIDA.” Dehan profesór Alcino Monis
Nia salienta moras HIV-SIDA perigoju tebes ba ema hotu nia vida ne’eduni liuhusi formasaun ida ne’e bele fasilita ona estudante liu-liu ba jerasaun foun sira hodi prevene-aan husi moras refere, fiar katak ba futuru moras HIV-SIDA sei menus iha Timor-Leste.
Esplika liután katak programa kampaña sensibilizasaun inormasaun nu’udar asuntu prenventivu primeiru ba transimsaun HIV iha Timor-Leste no programa ida ne’e nia funsaun atu konsensializa ema hotu hodi prevene-aan husi transmisaun virus refere. Tanba ne’e Instititu Nasional de Combate Ao HIV-SIDA,I.P halo ona koordenasaun servisu ho eskola balun hodi realiza atividade kampaña sensibilizasaun informasaun HIV-SIDA no moras hadaet relasaun seksual iha ambitu orientasaun ba estudante foun sira.
Reportajen : Nelfiano
Foto : Nelfiano