Dili, 15 Janeiru 2025 (Média Democracia) – Sekretariu Estadu Formasaun Profesional no Empregu (SEFOPE) halo bilateral ba programa mobilidade laboral ho governu Nova-zelandia atinji ona 75%, atu nune’e hodi halo rekrutamentu Timor-oan hamutuk ema na’in rihun 27 atu ba servisu iha Nova-zelandia.
Sekretariu Estadu Formasaun Profesional no Empregu (SEFOPE) Rogerio Araujo Mendonça hateten, Prosesu ne’ebé programa mobilidade laboral ba Nova-zelandia iha faze 75%.
“Ha’u hanoin ita iha fase 75% parte husi Governu Nova-zelandia ho Governu Timor-Leste, Governu Timor-Leste ho Governu Nova-zelandia kria bilateral kona-ba programa mobilidade laboral hodi haruka Traballadór Timor-oan atu ba servisu iha Nova-zelandia.” Dehan Sekretáriu Estadu Formasaun Profedionál no Empregu ba Jornalista sira iha Salaun Timor Lodge
Iha fulan Fevereiru ekipa ida sei desloka husi Nova-zelandia mai Timor-Leste hodi halo Koordenasaun Governu liuhusi Sekretariu Estadu Formasaun Profesional no Empregu (SEFOPE) hodi preparasaun atu asina MoU ida iha tinan 2025.
“Kriteria ne’ebé traballadór Timor-oan atu ba servisu iha Nova-zelandia hanesan mós Australia nian, nune’e SEFOPE prepara kondisaun ba kandidatu Timor-oan sira ne’ebé tuir formasaun kursus lian inglesh ne’e.” Dehan Nia
Ne’ebé sei loke fali vaga hanesan ba kandidatu Timor hamutuk 55 mill ne’ebé iha tinan kotuk, kona-ba loron atu asina MoU ne’e sei preparasaun bainhira ekipa sira mai iha fulan Fevereiru hotu depois fim fulan Fevereiru SEFOPE sei ba vizita fila-fali Nova-zelandia.
“Signifika ita tama fase atu asina MoU ho Governu Nova-zelandia, nune’e mós governu Nova-zelandia haruka quotation mai Governu Timor-Leste liuhusi Sekretariu Estadu Formasaun Profesional no Empregu (SEFOPE) hodi prepara traballadór Timor-oan hamutuk 27 mill iha tinan 2024.” Nia esplika
Nune’e sira fó mai Timor-Leste ho Asia Pasifik hamutuk 10 ne’e, maibé Governu Nova-zelandia hateten prioriedade bo’ot Timor-oan sira iha Timor-Leste.
Agora iha tinan 2025 Sekretariu Estadu Formasaun Profesional no Empregu (SEFOPE) sei bele aumenta numeru ba Timor-oan sira liu rihun 27 ne’e. Nia fó exemplu ida halo visa ba empregadór sira iha Australia tanbá empregadór sira kontente lo’os no sira presiza aumenta traballadór Timor-oan sira ho numeru ne’ebé bo’ot.
Reportajen : Estefania
Foto : Estefania