Dili, 23 Janeiru 2025 (Média Democracia) – Komisaun Anti Korupsuan (CAC-sigla portugues) sei halo Intervensaun ba broker sira ne’ebé servisu rejistu Notariadu Ministériu Justisa nian.
Komisáriu Komisaun Anti Korupsuan Rui Pareira dos Santos hateten, dadaun ne’e KAK halo indentifikasaun ne’e la’o hela, tanba ne’e KAK sei aplika nia dever hodi buka tuir.
“Ha’u hanoin intervensaun kona-ba Broker sira iha notariadu ita sei hala’o buat ne’ebé ita hakarak halo ne’e presiza média sira mós halo indentifikasuan rona hanesan ne’e entaun imi buka tuir, ami mós sei buka tuir.” Hatete Komisáriu CAC Rui Pareira ba Jornalista sira hafoin remata sensibilizasaun iha Salaun MSSI Kaikoli Dili Kinta ne’e.
Komisaun Anti Korupsaun sei informa bá Ministériu Justisa nomos Sekretáriu Estadu Terras no Propriedade iha rejistu Sivíl Notariadu.
“Iha hospital ita tau tiha ona, no iha fatin lubuk ida ita tau tiha ona, atu nune’e atu hateten de’it katak ita servisu ba rai ida-ne’e, servisu ho fuan no laran osan ne’ebé merese ita nian ne’e nia direitu, maibé ema seluk nia direitu la bele ba hadau.” Nia dehan.
Antes ne’e Governu dasia liu-husi Ministériu Justisa sei la admite broker sira ne’ebé sempre akontese iha Institusaun estadu, tanba laiha kontribuisaun bá administrasaun estadu.
Ministru Justisa Sergio da Costa Hornai, informa kestaun broker nia hateten dala hira ona, nia iha komitmentu.
“Ha’u halo instrusaun saída maka ita-boot sira hasai liu-husi meius komunikasaun sosiál, ha’u oriemta bá inspetor jerál auditoria, para atu halo dadauk abrigasaun para atu halo nafatin hodi hetan informasaun. Kona-ba bá broker sira ne’e ha’u hateten fila bá fila mai ita la admite atividade sira ne’ebé ireguralidade ema utiliza hahalok sira ne’e no inisiativa ida ne’ebé la kontribui ba Admintrasaun ida ke dignu, responsabilidade.” Sergio da Costa Hornai dehan bá jornalista sira iha resintu Ministériu Finansas Aitarak Laran Dili Segunda ne’e (20/01).
Nia afirma katak asuntu ne’e Governu la taka matan atu nune’e instituisaun estadu sira liuliu polísia, Orgaun polísia Kriminal sira bele tama, kuandu iha situasaun sira ne’ebé iha ireguralidade.
Nia esplika katak bainhira sai ona hanesan denunsia bá ema sira ne’e, automatikamente Instituisaun Estadu Polísia Kriminal sira ezerse nia direitu atu buka hatene problema ne’e iha duni ka lae.
“Ita halo servisu ida ne’e, depois ha’u haree iha media ne’e ha’u lakohi atu fó komentáriu, maibé orientasaun ha’u nian, maka buka hatene ho loloos mak ita rekomenda ba parte ida ne’ebé tama iha Ministériu Justisa.” Nia esplika
Nia haktuir tan, konserteza sei iha problema mak Governu sei halo medida ida ne’ebé diak no tenke asume nia responsabilidade, naran katak tenke iha evidensia, labele iha emosaun.
Reportajen : Estefania
Foto : Pajina Ofisial Comissão Anti-Corrupção