Dili, 04 Fevereiru 2025 (Média Democracia) – Ministériu Justisa (MJ) hamutuk ho Komisaun Funsaun Públiku (KFP) realiza serimónia tomada pose ba Guarda prisionál hamutuk 74 inklui motorista na’in 2 hodi reforsa servisu iha Guarda prisionál Munisípiu sira inklui Guarda Prisional Becora.
Ministru Justisa Sergio da Costa Hornai hateten, hanesan exersisiu hodi hametin kuadru pesoál sira atu priense, nune’e kuadru pesoál sira servisu ho kualidade ba tempu naruk.
“Ita rekrutan ema atu kontribui liuhusi idade 20 to’o 30 ba iha Instituisaun, kuandu laiha impedementu ruma ou laiha intrupsaun ruma. Ohin Ita-bo’ot sira intrega-an ba iha Ministeiru Justisa ka uma mahon bo’ot funsaun Publiku nian iha administrasaun estadu Republika ida ne’e, mesmu ita-bo’ot sira nia estatutu nu’udar ajente administrasaun publika iha Ministeiru Justisa nian.” Dehan Ministru Justisa liuhusi nia diskursu iha Tersa ne’e (04/02)
Nia eplika katak Komisaun Funsaun Públika ho nia komitivu sei esforsu halo konversaun hodi Orienta no diriji ba governu.
“Hanesan ohin orientasaun ne’ebé dirizi membru Governu hotu-hotu Instituisaun direita ka la direita estadu nian iha buat rua deit mak atu komunga, ita hakarak halo rekapitalizasaun ka halo repitalizasaun ba iha ita nia Rekursu humanus, liu-liu ba iha ajentes funsionariu Publiku estadu ninian.” Sergio esplika
Nia afirma katak atu halo fali rehabilitasaun ba idade mais 50 anos ne’e purvolta 80 ou 70 % iha funsaun Publik estadu nian.
Atu dinamiza liu iha produtibilidade enerjia maka’as hodi dinamika, entaun joven sira tenke halo subtituisaun maibé tenke liuhusi prosesu balu ne’ebé konversaun liuhusi prosesu ruma.
“Tanba iha Lei balun ka dekretu balun ne’ebé regula dadauk kona-ba aprezentasaun ka ba iha reforma obrigatoriu ninian, ohin ita iha ona prizaun tolu Glenu, Suai nomos bekora, representa ita nia intrese lesistimu estadu, kuandu iha rekursu mak prizoneiru sira hasoru problema kona-ba Justisa, tenke tau Justisa iha fatin ida ne’ebé dignu.” Dehan Nia
Ministériu Justisa hamutuk ho membru Governu na’in tolu, Vise-Ministru fortalesimentu Institusional, Sekretáriu no dirijente tomak para hametin rekursu orienta ba iha kualifikasaun ne’ebé aas.
Iha fatin hanesan Prezidente Komisaun Funsaun Públik (CFP-sigla portugues), Agostinho Letêncio de Deus, haksolok tanba entre 4.000 resin konkore maibé na’in 74 mak liu inklui nain 2 iha motorista.
“Iha administrasaun publika iha etapa ikus prosesu sira ne’e hotu maka ohin nain 74 inklui motorista nain rua asina termu de aseitasaun ho Sua Eselensia Ministru, kuandu ingresu ba funsaun publiku permanente sei asina termu de aseitasaun dala ida tan. Prosesu asina kontratu ajente nian Ida ne’e durasaun ba tinan ida.” Prezidente KFP Dehan iha nia diskursu
Prosesu ida ne’e konstitui forma publiku ne’ebé sirkula iha Lei sira, hahú husi orientasaun ne’ebé Sua Eselénsia Primeiru Ministru hato’o ba Komisaun Funsaun publiku iha Pontus importante Rua.
“Pontu primeiru mak, husu ba Komisaun Funsaun publiku atu servisu ho liña Ministeriais sira para atu bele hadia sistema rekursu humanus administrasaun publika. Pontu segundu mak atu konsolida kapasidade Rekursu humanus liu-liu bele atende didi’ak ita-nia komuidade.” Nia haktuir
Haree ba dadus Komisaun Funsaun publiku nian funsionariu ne’ebé mesak joven entre tinan 20 to’o 25 ne’e 7% deit, maioria 50 ba leten ne’e katak, Administrasaun Publika ne’e maioria sira ne’ebé ho idade 50 ba leten..
Reportajen : Estefania
Foto : Estefania