Dili, 05 Fevereiru 2025 (Média Democracia) – Prezidente Federasaun Atletismu Timor-Leste Afriâno Xavier Reuniaun ho Mnistru Juventude Desportu Arte no Kultura (MJDAC- sigla portugues) hodi diskuti kona-ba atividade desportu ne’ebé iha relasaun ho atletismu ne’ebé sei akontese iha tinan 2025 ne’e.
Prezidente ne’e relata katak iha reuniaun ho Exelénsia Ministru MJDAC Nélio Isac Sarmento ne’e ko’alia pontus importante rua ligadu ho kompetisaun ba atletismu nian.
“Primeiro mak jogus CPLP ne’ebé enkaisa mós modalidade atletizmu nian iha laran, Segundu mak preparasaun ba kampeonatu nasional ne’ebé ohin ami hato’o ami nia razaun lubuk ida, tanba realizasaun kampeonatu nasional sei akontese iha Munisipiu Ermera, hahu iha inisiu fulan abril.” Dehan Prezidente Atlerismu ba jornalista sira hafoin halo reuniaun ho Ministru iha edifísiu MJDAC Tersa ne’e (04/02)
Nia informa katak kampeanatu nasionál ne’e swi akontese iha eventu rua, hanesan atleta juveníl sira ne’ebé idade 16 nomós ba atleta senior sira.
“juvenil sira ne’e atu selesiona ba forma ekipa nasional hodi reprezenta Timor iha jogu CPLP nian, kona-ba atleta senior sira atu halo selesaun hodi nune’e bele hili atleta sira ne’ebé potensiais atu halo preparasaun, nune’e atu partisipa eventu internasional ida mak SEA Games 2025 iha Bangkok.” Informa nia ba jornalista sira
Prezidente ne’e esplika katak antes ASEA Games iha mós try-out ida fulan Maiu iha Korea do sul, ida tan setembru iha Japaun, tan ne’e programa sira ne’e hotu hetan aseitasaun, orientasaun husi sua exelensia Minustru atu ezekuta orsamentu estadu ho didi’ak nomos ho responsabilidade, labele viola dekretu lei sira ne’ebé aplika ona iha Ministeriu Juventude Despostu Arte no Kultura.
Nia dehan orientasaun hirak ne’e tenke prepara hodi kria atleta nia kondisaun sira ho di’ak nomos prepara tékniku ne’ebé atu realiza kampeonatu nasionál sai fundamentu.
“Tanba liuhusi kampeonatu nasional iha kategoria rua (2) ida mak juvinil, ida mak senior, ba preparasaun jogo CPLP ne’ebé mós marka prezensa husi pais 9 iha CPLP nian, depois iha rejiaun sudeste asiatiko no asean nian maka ita partisipa iha SEA Games ne’ebe sei realija iha kapital Bangkok.” Dehan Nia
Antes SEA Games ita tenki halo try-out dala 2, fulan Maiu iha Korea do Sul, no ida fali fulan Setembru iha Japaun, tanba kondisaun tista iha stadium Dili sei iha hela prosessu reahablitasaun husi kompaña, entaun labele utiliza, ekipa hili Baucau no Ermera maibé Ministru aseita federasaun atletismu bele realiza kampeonatu iha Munisípiu Ermera.
Iha biban ne’e Prezidente Atletismu informa ba asosiasaun atletismu Munisípiu 13 atu prepara-an didi’ak nune’e bele lori atleta hirak ne’ebé kualidade mai iha nasionál.
“Tanba ita-bo’ot sira ami forma ona labele hein de’it konvite ba mak haruka atleta mai, maibé tekniku sira ami forma tia ona, tenke treinu atleta sira ho kondisaun di’ak, tanba se sira mai iha kampeonatu nasional sira tenki kompete ho kompetetivu.” Prezidente ne’e informa
Asosiasaun Munisípiu sira komesa agora sei iha tempu, fulan hira nia laran para halo konstrui ba atleta sira ho kondisaun di’ak, nune’e nia resultadu ne’ebé akontese iha kompeonatu nasionál ne’e ho kondisaun di’ak.
“Ami kolia ona katak ita iha tekniku 2 tékniku ida husi Cubaun Senhor Sergio Cario nia bele fó asistensia federasaun para atu bele treinu ita-nia ema sira ho tekniku ne’ebé di’ak, nune’e bele prense rekijitus iha atleta juvinil jogo CPLP ninian.” Nia esplika
Kona-ba proposta orsamentu ne’e aseita ona, nune’e ekipa halo hela dezenu proposta tanba iha eventu 2 mak sei realiza, no aumenta modalidade depende hirak ne’ebé bele kompete hodi aloka ho modalidade mak foin bele desidi.
Tanba ne’e ekipa Atletismu dadaun ne’e labele dehan orsamentu ho montante hira, tanba seidauk, ekipa sei fó fali valor orsamentu ne’ebé sei aplika ba kampionatu nasional ba iha kategoria 2.
Reportajen : Estefania
Foto : Estefania