Dili, 10 Fevereiru 2025 (Média Democracia) – Autoridade Protesaun Sivíl (APC-sigla portugues) relata informasaun kona-ba akontesimentu Dezastre Naturais iha Teritóriu Timor-Leste hahú husi loron 03 to’o loron 10 fulan Fevereiru tinan 2025.
Xefe Relasaun Externa Autoridade Protesaun Sivíl Nelson Nunes de Orleans Informa kona-ba relatóriu dezastre naturais ne’ebé akontese iha rai laran durante seman ida nian ne’ebé Sentru Nasionál Operasaun Protesaun Sivíl (CNOPC-sigla portugues) rekolla.
“Hahú iha loron 03 to 10 Fevereiru 2025, durante semana ida ne’e, iha rejiaun Timor-Leste normal no akontese tipu dezastru maka CNOPC-APC rejistu, kazu dezastre hamutuk mak hanesan, Anin-Bo’ot (29), prienxe kriteria (33), apoiu deit emerjensia (8), numeru ema afetadus (185), ema evakua (99).” Dehan Porta-vos Nuno de Orleans ba jornalista sira iha edifísiu APC segunda ne’e.
Númeru hirak ne’e afeta ba dezastre naturais hanesan Munisipiu Aileu Anin-sobu uma 3, Ahi-han 1, Munisípiu Ainaro Rai-halai 4, Munisipiu Bobonaro Anin-sobu uma 2, Rai-halai 1, Municipiu Covalima Ahi-han uma 1, Anin-soba uma 2, Munisipiu Dili Anin-sobu uma 23, Ahi-han uma 11, Municipiu Ermera Anin-sobu uma 8, Municipiu Liqiuça Anin-sobu uma 7, Rai-halai 6, Munisipiu Manufahi Anin-sobu uma 1, Ahi-han uma 2, Munisipiu Viqueque Anin-sobu uma 1.
Nia informa katak durante akontese dezastre naturais ne’e Komando Autoridade Pritesaun Sivil Munisípiu sira nomos parseiru relevante fornes kedas asisténsia emerjénsia ba família afetadu sira.
“Apoiu emerjensia hanesan Ai-han no laos Ai-han (food item & Non-food Item) Komando Operasional Autoridade Protesaun Sivil Munisipiu sira sei kontinua halo hela levantamentu dadus detaillu kona-ba sasan ne’ebé estragu no lakon.” Nia informa.
Iha biban ne’e Autoridade Protesaun Sivil rekomenda ba komunidade hotu katak bainhira akontese udan boot bele hases-an husi fatin risku sira.
“Husu komunidade atu bele hases-an fatin rizku sira hanesan Mota-ninin, Fobo-lolon, Ai-hun boot, listris ka eletrisidade, rai dokumentus importante iha fatin ne’ebe seguru.” Nia relata
Kazu emerjensia ruma halo tuir orientasaun husi Autaoridade Lokal ka Protesaun Sivil ne’ebé besik, karik persija halo evakuasaun, mantein kalma nafatin, buka fatin ne’ebé seguru no evita pániku.
Porta-vos ne’e salienta katak durante dezastre, Kamando Autoridade Protesaun Sivil Munisípiu sira halo kedas Asesmentu no halo verifikasaun ba família afetadu sira nomos halo kedas apoiu emerjénsia ba família vítima sira iha terrenu.
Limitasaun ka difikuldade ne’ebé Munisipiu balun sei infrenta mak limitasaun ba transporte, tanba ne’e ba oin husu atu bele aumenta transporte hodi mobiliza ekipa konjunta ba halo levantamentu dadus no tula sasan ka materiał FI & NFI ba família afetadu sira iha Suku no Aldeia.
Reportajen : Estefania
Foto : Estefania