Dili, 12 Fevereiru 2025 (Média Democracia) – Murak Rai Timor, Empresa Públiku lansa atividade ba susesu realiza “Drone Survey Mapping Networking”, ne’ebé halibur parte interasada sira husi Industria nian hodi introdúz servisu Drone MRT no ninia aplikasaun iha mapamentu levantamentu nian.
Eventu-ne’e sai hanesan plataforma ida ba operadór sira-nia pedreira, konsultór sira, no kliente sira atu troka hanoin ba malu, esplora solusaun inovativu sira no hametin rede professional sira.
Tuir prezidente no CEO husi Murak Rai Timor.EP. José Gonçalves hateten katak, iha enkontru ne’e atu atu fornese ideia hirak ne’ebé iha valór kona-ba vizaun no inisiativa sira husi empreza nian.
“Eventu-ne’e mós rekoñese Autoridade Nacional dos Minerais ba nia papel hodi apoia kumprimisiu regulatório no garante integrasaun seguru hodi teknolojia drone nian iha prátika sira industria nian, Ami iha komprimisu atu aproveita teknolojia drone nian hodi hasa’e presizaun no efisiensia iha mapamentu levantamentu nian.” Dehan Prezidente MRT.EP liuhusi nia diakursu Kuarta ne’e iha Maubara Room Timor Plaza (12/02)
Iha sesaun ne’e permite Murak Rai Timor, EP. atu envolve ho parseiru importante sira no hametin kolaborasaun hodi adopta solusaun inovativu sira.
Prezidente Murak Rai Timor,EP. ne’e haktuir, ekipametus tékniku ne’ebé dadaun ne’e Murak Rai Timor iha atu uja Survey Drone hodi fornese servisu ne’ebé estabelese ona iha MRT.EP atu halo mapamentu uja tékniku laider.
“Ami nia fornesementu servisu ida ne’ebé estabelese ona iha Murak Rai Timor hodi halo mapamentu uja tekniku laider, tanba laider ne’e Tekniku ida ne’ebé avansadu liu, nune’e kria mapamentu ba aplilkasaun hirak ne’e ba industria minerais rasik.” Dehan Prezidente Murak Rai Timor, EP hafoin halo lansamentu Redi mata dalan Survey Drone.
Aleinde Prezidente ne’e hatutan katak Murak Rai Timor kria mapamentu ne’e, bele mós uza ba minerais no agrikultór, prinsipiu mak atu halo mapamentu ne’ebe detallu ba dadus ne’ebe di’ak, no halo dezeñu no desizaun ba projetu ho di’ak liu.
Enkuantu servisu mapamentu levantamentu Drone MRT nian hakarak atu revolusiona prosesu sira mapamentu no levantamentu nian iha setór minerais. Dezeña atu fornese dadus aéreu ho rezolusaun ne’ebé aas, ida-ne’e hadi’a esplorasaun rekursu no hadi’a prosesu sira foti desizaun nian.
“Tanba ne’e MRT,EP. hato’o ninia apresiasaun ba partisipante sira hotu no hein ba kolaborasaun ne’e kontinua iha avansu teknolojia levantamentu drone nian ba kresimentu industria.” Nia dehan
Iha biban ne’e João Soares Freitas nu’udar Konsultan ba iha empreza GECOS Counsultant apresia tebes ba iha lansamentu polítika Murak Rai Timor, ne’ebé ligadu ho teknolojia ba Drone Lider avansadu tebes hodi sukat ba iha rai, minerais fatuk no seluk tan.
“Ha’u hanesan Konsultan ne’ebé apresia tebes ba lansamentu empreza politika MRT nian ohin loron nian, liuliu ligadu ho teknilojia Drone Driler nian ne’ebé sira aprezenta, antes ne’e ha’u mós rona informasaun ida ne’e, ha’u rasik lori ha’u nia konsultan atu halo kooperasaun hamutuk ho sira, para atu foti dadus ne’ebé adekuadu ho di’ak ba seitór minerais nian.” Dehan João Soares Freitas nu’udar Konsultan ba iha empreza GECOS
Nia hatutan durante ne’e empreza GECOS Consultant ne’e hala’o servisu ba iha lisensiamentu ambientál nomos lisensa minerais nian ba iha área fatuk no rai-henek ninian.
Nia salienta katak durante hala’o servisu hasoru dezafiu no difikuldade hanesan fasilidade teknolojia Drone tanba ne’e liuhusi aprezentasaun ohin liubá ne’e di’ak tebes.
“Aprezentasaun ohin ne’e di’ak liután ba iha kompañia lokál sira hotu nomos kompaña internasional katak Timor mós iha ona fasilidade Drone Lider ne’ebé ita bele uza atu nune’e bele hatene progresu mineirus ninian iha kada kompaña ida-idak nia área.” Dehan Konsultant João ba jornalista sira
Nia informa katak durante autoridade konsultan ida ne’e hamrik sira hasoru difukuldade barak ba ekipamentu atu utiliza ba hala’o servisu.
“Durante ne’e, konsultan ka autoridade ne’e hamrik, ita mós iha dezafiu ida mak ekipamentu ami utiliza hanesan ohin sira aprezenta ne’e GPS, Tedolin, Totestation ho sira ne’e de’it, entaun ho prezensa Drone Lider nian ne’e atu fortifika liután konsultan ninia servisu ba kompañia ne’ebé presiza konsultan ninia tulun service ba iha área Minerais ninian.” Nia Informa
Entretantu iha eventu ne’e hetan partisipasaun husi Empreza lokál sira ne’ebé hola parte iha rekursu minerais no seluk tan.
Reportajen : Estefania
Foto : Estefania