Dili, 17 Fevereiru 2025 (Média Democracia) – Autoridade Protesaun Civil (APC) liuhusi ekipa Gabinete Relasaun Externa no Komunikasaun relata dadus semanal kona-ba akontesimentu dezastre naturais iha Timor-Leste, durante semana ida nia laran, konferénsia ne’e hala’o iha salaun APC Caicoli Dili
Tuir Xefe Sekasaun ba Relasaun Externa no Komunikasaun (GREK) Nelson Monis Orleans, informa katak Autoridade Protesaun Civil rejistu kazu dezastre hamutuk tolu-nulu-resin-tolu (33), iha semana ne’e nia laran tanba kauza husi mudansa klimatika ho tipu diferente.
“Durante semana ida nia laran iha Timor-Leste akontese tipu dezastre naturais oioin, nune’e Autoridade Protesaun Civil rejistu kazu uma ne’ebé hetan estragu hamutuk tolu-nulu resin-tolu 33, priense kriteria nian hamutuk ruanulu resin-hitu (27) ahi-han uma tolu (3) apoiu emerjensia sia (9), ema afetadu ba kazu dezastre naturais hamutuk atus-ida hitunulu resin-sia (179) ema ne’ebé evakua hamutuk limanulu resin-sia (59), kanek rua (2) lakon vida ida (1), kazu hirak ne’ebé autoridade rejistu tanba kauza husi mudansa klimatika ne’ebé akontese iha ita nia rai.” Dehan Xefe Sekasaun ba Relasaun Externa no Komunikasaun (GREK) , Nelson Monis Orleans
Nia hatutan Dezastre ne’ebé akontese iha Munisípiu sira hanesan Munisípiu Bobonaro anin-boot sobu-uma hamutuk 5, Munisípiu Covalima anin sobu-uma 1 no ahi-han-uma 1, Munisípiu Dili anin sobu-uma 1 no hai-han-uma 1, Munisípiu Ermera anin sobu-uma 3, Munisípiu Likisa anin sobu-uma 9 akontese ema kanek rua no lakon vida ida. Munisípiu Viqueque anin sobu-uma hamutuk 14 no ahi-han-uma 1, liga ho dezastre ne’ebé akontese ba semana ida-nia laran iha Munisípiu.
“Dadaun ne’e komandu Autoridade Protesaun Civil ne’ebé destakadu iha Munisípiu hamutuk ho nia parseiru relevante fornese asistensia emerjénsia ba familia afetadu sira ba dezastre naturais hanesan ai-han no laos ai-han (Food item & non-food item). Nune’e Komandu Operasional Autoridade Protesaun Sivil Munisípiu kontinua hodi halo levantamentu detaillu kona-ba sasan ne’ebé estragu no lakon.” Dehan nia
Nia salienta tan katak Autoridade Protesaun Sivil hamutuk ho parseru sira ne’ebé desloka iha Munisipiu halo atribuisaun emerjensia no rekooperasaun tuir dadaus klasifikasaun ba iha kazu dezastre bazeia ba lei no 7/2021 20 de juñu, ba tipu dezastre ne’ebe akontese
Esplika liután katak katak Autoridade Protesaun Sivil halo kedas levantamentu dadus depois halo fali reverifika fila-fali uma ne’ebé hetan estragus ba dezastre naturais tama iha tipu estragu total ka naton, nune’e sei publika fali iha tempu badak atu bele halo rekooperasaun ba uma sira ne’ebé hetan estragu totál. Husu mós ba populasaun tomak atu matan-moris neon nain nune’e bele hadook-aan husi kauza dezastre naturais.
Reportajen : Nelfiano
Foto : Nelfiano