Dili, 24 Fevereiru 2025 (Média Democracia) – Traballadór Timor-Oan ne’ebé Re-entry ba servisu fila fali iha Austrália, tanba badinas no hatudu prestasaun di’ak ba iha kompañia hirak ne’ebé sira servisu ba.
Sekretáriu Estadu ba Formasaun Profisionál no Empregu ( SEFOPE) Rogério de Araújo Mendonça hateten, traballadór ne’ebé re-entre ne’e tanba hatudu prestasaun servisu di’ak iha kompañia ne’ebé sira servisu ba.
“Ha’u hanoin traballadór sira ne’ebé re-entre ne’e ita-boot sira hatene, sira hatudu sira-nia komportamentu di’ak, sira hatudu sira-nia prestasaun di’ak, tanba ida ne’e mak empregadór sira presiza sira.” Dehan Sekretáriu Estadu Rogério Mondonça ba Jornalista sira hafoin sorumutu ho Embaixadora Hungaria ba Timor-Leste iha Edifísiu SEFOPE Caicoli Segunda feira (24/02)
Governante ne’e salienta katak liuhusi traballadór hirak ne’ebé re-entri refere la taka dalan ba kandidatu foun 2024 nian, tanba kandidatu foun nia númeru boot liu fali re-entri.
“Maibé ne’e mós la taka dalan ba ita-nia kandidatu foun sira ne’ebé iha sistema laran, númeru ida re-entre ne’e númeru oituan. Númeru ida traballadór foun ne’e mak barak.” Nia salienta
Nia esplika katak sé sidadaun ida iha kompañia rasik, nia sei haree traballadór ne’e servisu di’ak, entau nia nafatin bolu para servisu iha kompañia, signifika katak traballadór Australia re-entri ne’e tanba servisu badinas.
“Sé ita-boot sira balun ne’ebé iha kompañia, ha’u fiar katak ita-boot sira tenke haree ema ne’ebé atu servisu ho ita-boot sira ne’e, ema ne’ebé badinas, hatudu prestasaun servisu di’ak, ida ne’e mak ita-boot sira presiza agora, agora ita-boot sira presiza fali ema ne’ebé hader tarde oinsá atu bele fó lukru ba kompañia.” Nia esplika
Tanba ne’e, parte empregadór sira husu, maibé nia la maioria númeru ne’ebé boot, númeru ne’e iha 20% maibé númeru sira iha sistema ne’ebé hala’o ona teste ne’e númeru redúz ba bebeik, maibé sé mai tan ho Nova Zelándia ho Hungaria nian, fiar katak númeru sira ne’e sei bele responde ba merkadu.
Reportajen : Estefania
Foto : Pajina ofisiál SEFOPE