Dili, 03 Marsu 2025 (Média Democracia) – Lider reformadu Lere Anan Timur hato’o parabens ba selebrasaun loron veteranu ne’ebe sei monu iha loron 3 marsu 2025, Lere husu veteranus sira atu hamutuk hodi kombate manobra falsu sira, lia-hirak ne’e hato’o hafoin partisipa iha seminariu nasional ne’ebé halao iha sede KEP-MRS villa verde sexta feira semana ne’e
Iha entrevista ho lider reformando Lere Anan Timur hateten, loron 3 marsu hanesan loron importante laos iha loron 3 marsu mesak mak sai loron istoriku maibé hahu husi loron 1 fulan marsu to loron 8 marsu ne’e hanesan loron istoriku no loron importante tanba momentu ida ne’e mak Timor-Leste baze apoiu rahun hodi hetan fila fali naroman ba ninia ukun rasik-an parabens ba veteranus sira ne’ebé ohin loron sei moris nomos ba veteranus sira ne’ebé mate ona iha tempu uluk maibé tenke esperansa nafatin katak kole terus balun mate ona hodi hetan libertasaun ida ne’e
“Timor sei nafatin lao ba oin fó valor ba iha imi nia terus imi nia mate nomos imi nia susar sira iha tempu pasadu nian, ha’u hanoin loron 3 fulan marsu ne’e nafatin husu ba Ministeriu sira liuliu ba iha veteranus nian atu hala’o komemorasaun nafatin husu ba veteranus hotu atu nafatin serbi ba iha povu ida ne’e nomos nafatin hala’o imi nia kna’ar hanesan luta nain ida ne’ebé hahu kedas husi pasadu mai to’o futuru.” Dehan Lere
Nia hatutan relasiona ho lista veteranus ne’ebé balun seidauk los atu hateten deit katak, labele haree ba lista ne’e maibéharee ba realidade agora ne’e husu ba veteranus sira atu hamutuk atu nune’e bele kombate problema kiik-oan sira ne’e atu nune’e ema labele manobra ka halo veteranu sira sai sabraut, nafatin husu ba veteranus sira atu hamutuk hodi kombate manobra falsu sira
Reportajen : Domingas
Foto : Domingas