Dili, 07 marsu 2025 (Média Democracia) – Provedor Direitus Umanus no justisa PDHJ durante fulan janeiru to’o marsu registu keixa hamutuk sanulu resin-hitu, keixa 10 ho tipu Violasaun Direitus umanus no keixa hitu kona-ba boa governasaun inklui mós keixa husi entidade estadu PNTL nain haat (4) ne’ebé halo agresaun fiziku hasoru sidadaun mane ida iha Munisipiu Viqueque
Iha entervista Virgilio da Silva Guterres “Lamukan” hanesan Provedor Direitus Umanus no Justisa PDHJ hateten katak, agregasaun fiziku ne’ebé membru PNTL nain haat halo ne’e kontra ona kodiku profisionais
“Involvimentu entidade estadu PNTL nian hanesan ita hotu hatene insidente ida ne’ebé ita hotu asiste viral iha media sosial kona-ba agresaun fiziku ne’ebé membru polisia nain haat halo hasoru sidadaun mane ida iha Munisipiu Viqueque ne’ebé ikus mai identifika katak sidadaun mane ne’e difisiente moras mental no sira mai keixa to’o PDHJ no provedor mós halo ona nian afirmasaun iha publiku katak intervensaun ne’ebé PNTL halo ne’e la profisionais viola kodigu profisionais polisia ninian no viola Direitus umanus.” Dehan Provedor Direitus Umanus no justisa PDHJ
Liuhusi oportunidade ida ne’e PDHJ husu ba polisia no forsa sira katak, entidade rua ne’e nia existensia kna’ar prinsipal ne’e atu proteje no servi povu laos atu sai ameasa ka sai violador ba povu, direitu konstituisaun hateten katak kualker prevensaun deit krime tenke respeitu direitu umanu ne’e no aproveita oportunidade ida ne’e provedoria atu hato’o nia lamenta ba involvimentu militar ba iha prosesu evikasaun refere
“Involvimentu militar ba iha despezu administrativu ne’e tenke bazeia ba iha dekretu Lei no tuir instrusaun husi komandante supremu forsa armada nian. Ami kontinua husu no reinteira posizaun ida ne’e, tanba despezu administrativu ne’e papel masimu husi polisia nian laos militar nian posizaun, tanba militar nia prezensa atu asegura laos involvimentu fali ba asaun kontra povo, no ida ne’e mós ita koalia kona-ba boa governasaun iha nasaun demokratiku.” Hatutan Virgilio da Silva Guterres “Lamukan”
Estadu nia kompremisiu atu respeitu boa governasaun no respeitu direitu umanu, laos tanba hakarak nasaun seluk gava, maibé ne’e esforsu ida atu ondra ba povu ida ninian luta no ondra ba sakrafisiu ne’ebé ema rihun halo ba rai ida ne’e tanba luta atu hetan ukun rasik-an ne’e sira hadomi rai ida ne’e no hadomi dignidade umanu respeitu ba dignidade umanu ne’e hakerek ona iha Artigu 1 konstituisaun RDTL sai hanesan baze principal
Reportajen ; Domingas
Foto : Domingas