Dili, 07 Marsu 2025, (Média Democracia) – World Vision Timor Leste (WVTL) servisu hamutuk ho Forum Komunikasaun ba feto Timor-Lorosa’e (FOKUPERS) loke feira hodi selebra loron feto mundial. Selebrasaun feira ne’e hala’o iha portu Dili, kinta feira semana ne’e.
Diretór World Vision Timor Leste (WVTL) Jared Berends hateten, selebrasaun ida ne’e hansan onra ba hodi selbra loron internasional feto nian hodi promove feto liuhusi empoderamentu, ekonomiku no direitu sira.
“Ida ne’e hanesan onra ida ne’ebé hamutuk ho ita-boot sira hodi selebra loron internasional feto nian ho tema promove feto liuhusi empoderamentu, ekonomiku no direitu sira, ohin hanesan lembransa ida foti kona-ba importansia atu investe iha empoderamentu, ekonomiku feto nian nu’udar xave ba dezenvolvimentu sustenabilidade iha Timor leste” Dehan Diretór Word Vision Timor-Leste iha porto Dili, 06 Marsu
Diretor ne’e mós haktuir tan katak eventu ida ne’e fó oportunidade ba ema hotu atu asiste no selebra abilidade emprezariu, produtu lokal no negosiu inovativu hodi halo mudansa iha futuru ba nasaun Timor-Leste.
“Eventu ohin nian fó oportunidade ba ita hotu atu asiste aktividade ne’ebé halo mudansa. Mai ita selebra sira-nia abilidade emprezeravel produtu lokal no negosiu inovativu sira. Ba inan no feton sira hotu ne’ebé prezensa iha ne’e, ohin loron imi mak lider, ita-boot sira maka inan ne’ebé halo mudansa, ita-boot mak futuru ba nasaun ida ne’e, ita-boot nia servisu makas dedika hodi espira ami hotu iha word vision no ami kompremetidu atu hamriik hamutuk ho imi iha jornada ba empoderamentu ekonomiku no igualdade jeneru.” Dehan Diretor WVTL iha kinta feira semana ne’e
Iha sorin seluk mós diretora FOKUPERS Domingas Afonso Amaral hateten, feira ida ne’e hola parte ba programa POWER hodi halo promosaun ba empoderamentu ekonomia feto no direitu feto.
“Ida ne’e hola parte husi programa ida ami bolu POWER halo promosaun ba empoderamentu ekonomia feto no direitu feto, programa ida ne’e servisu hamutuk entre World Vision Timor-Leste, Fokupers nomos FEEO hanesan parseiru implementador no finansiamentu ida ne’ebé mai husi União Europeia ho objetivu husi programa ida ne’e mak oinsa atu fó espasu ba ita-nia feto maluk sira liuliu benefisiariu sira husi Munisipiu rua hanesan Oe-Cusse ho Covalima, atu sira bele empodera sira nia ekonomia iha aspetu oioin sira ne’ebé mai ho sira nia produtu rasik.” Dehan Diretora FOKUPERS iha portu Dili, 06 Marsu
Iha feira ne’ebé selebra hahu husi loron 06 fulan marsu to’o iha loron 08 fulan marsu ida ne’e atu selebra loron Internasional Feto no eventu ida ne’e rasik apoiu fundus husi Embaxada Uniaun Europeia ho montante 300 Milhoes mais ou menus ba Fokupers atu hala’o aktividade ida ne’e. Eventu ida ne’e fahe ba parte tolu hanesan, ida loke feira iha portu Dili, segundu mak diskursu entre eskola Universidade sira, no terseiru mak halo marsa husi Fatuhada la’o to’o iha portu Dili.
Reportajen : Nelia
Foto : Nelia