Ataúro, 17 Marsu 2025 (Média Democracia) – Ministeriu Justisa liuhusi Diresaun notariado ofisialmente hala’o lansamentu ba iha balkaun uniku iha Autoridade Administrativu Ataúro, iha suku villa maumeta, hodi fasilita komunidade Ataúro trata dokumentu importante sira hanesan Bilete Identidade, Pasaporte, no sertidaun moris nian, serimonia lansamentu ne’e hala’o iha Ataúro Villa maumeta, sexta-feira ne’e 24/03/2025
Iha diskurusu husi Ministeriu Justisa Sergio da Costa Hornai hateten, Lori Ministeriu Justisa nia naran no estrutura tomak hakarak hato’o parabens ba iha povu Ataúro tomak liuliu ba iha autoridade lokal ne’ebe ohin loron hamutuk iha fatin ida ne’e, loron ohin nunu governo mai hamutuk ho Ministeriu Justisa ho Ministeriu Estatal no membru sira seluk hala’o lansamentu ba iha balkaun uniku ida ne’e
“Ohin loron ita ofisionalmente hala’o lansamentu ba iha balkaun uniku ne’e ho nia objetivu atu lori Ministeriu Justisa mai besik iha komunidade Ataúro, no objetivu seluk mak ita hakarak hametin ita-nia demokrasia ho komunidade sira, ita hakarak dezenvolve diak liután ita-nia rai ida ne’e ba oin, tan ne’e ohin loron nonu governu marka prezensa husi Primeiru Ministru ho nia Vise nomos deputadu balun no governu ita mai hala’o lansamentu ida ne’e, atu nune’e fasil ba komunidade sira atu bele trata sira nia dokumentu importante ruma labele ulun moras tan, no labele halai ba mai.” Dehan ministerio justisa sergio hornai iha atauru 14/03/2025
Nia hatutan husi Ministeriu Justisa ohin lori sistema digitalizasaun mai iha Ataúro nune’e bela fasilita komunidade Ataúro liuliu ba iha atendimentu dokumentus, Aleinde ne’e mós Ministeiru Justisa sei lori sistem digitalizasaun ba munisipiu hotu, iha tempo badak nia laran hodi implementa balkaun uniku ne’e ba komunidade, nune’e sira bele asesu hotu ba identidade pessoal, pasaporte nomos sertidaun moris.
Hatutan husi Prezidente Autoridade Munisipiu Ataúro Mateus Belo hateten, primeiru lori komunidade Ataúro tomak hakarak hato’o sentimentu kontente no orgullu tebes ba iha nonu governu liuliu ba iha Ministeriu Justisa ne’ebé ohin ofisialmente hala’o ona lansamentu ba iha balkaun uniku ida ne’e, tanba balkaun uniku ne’e ho objetivu hatutan servisu governu sentral mai iha komunidade sira nia leet liuliu ba iha servisu atendementu ba iha dokumentu importante sira ne’ebé komunidade presiza tebes atu hetan iha sira nia moris hanesan dokumentu Bilete identidade, pasaporte, registo kriminal, nomos sertidaun moris
“Ami sente kontente hato’o husi ami ba iha governu ida ne’e hanesan pasu ida ne’ebé importante tebes ho prezensa balkaun uniku ne’e bele lori servisu atendementu besik liubá iha komunidade sira Ataúro atu nune’e sira labele halai ba mai ona atu trata dokumentu, nune’e sira trata dokumentus iha fatin deit, ba komunidade sira ne’ebé hela iha areal rural ohin Ministeriu Justisa no Ministeriu Administrasaun statal hateten ona katak, sei fasilita kareta ida iha ne’e atu membru sira mak ba to suku hodi fasilita komunidade sira trata sira nia dokumentu sira no la presiza mai to iha ne’e maibé sira hein deit iha suku.” Dehan Prezidente Autoridade Munisipiu Ataúro Mateus Belo
Nia salienta esperansa husi lansamentu ba iha balkaun uniku katak ba oin komunidade hotu ne’e hela iha Ataúro sira bele asesu ona ba iha tratamentu dokumentu importante sira nomos ba inan feton sira ne’ebé idade ona bele asesu deit iha sira nia suku
Serimonia lansamentu ba balkaun uniku ne’e partispa husi Primeiru Ministrú nomos Vise Primeiru Ministru, inklui parseiru dezenvolvimentu sira, husi nasional nomos internasional, membru governu, Komunidade Ataúro no Autoridade Lokal Ataúro.
Reportanjen : Domingas
Foto : Domingas