Ataúro, 17 Marsu 2025 (Média Democracia) – Ministeriu Administrasaun Estatal halo inagurasaun ba edifisiu foun Fundo Espesial Dezenvolvimento Ataúro FEDA (sigla portuges), serimonia inagurasaun edifisiu FEDA ne’e halao iha Atauro sexta feira ne’e 14/03/2025
Iha entrevista ho Ministeriu Administrasaun Estatal Tomas Cabral hateten, ohin halo inagurasaun ba iha edifisiu FEDA ho objetivu atu haree ba iha dezenvolvimentu iha area sira duke FEDA iha Dili levantamentu iha baze la iha edifisiu diak liu, edifisiu FEDA ne’e muda mai iha Ataúro no sei muda Diretor ho ninia Adjuntu sira mai iha Ataúro hodi hala’o plaenamentu iha ne’e nomos halao dezenvolvimentu iha area sira ne’ebé identifika ona iha Ataúro
“Ohin Primeiru-Ministru mós koalia ona katak presiza hala’o planu estratejiku no plaenamentu teritorial, entaun ohin ita hala’o inagurasaun ba FEDA ne’e mak sai fatin ida hodi hala’o plaenamentu teritorial atu konsulta ho komunidade tomak saida mak presiza ita atu hahu halo iha Ataúro.” Dehan Ministeriu Administrasaun Estatal Tomas Cabral
Nia hatutan FEDA ne’e hanesan Fundu Espesial ida atu apoiu Administrasaun iha ne’e, infraestrutura tomak iha Ataúro FEDA mak sei atende hotu hanesan ohin rona rasik ona atu halo levantamentu ba iha Aerportu Portu, Saude, Estrada, Eletrisidade, Bee-moos, no dezenvolvimentu sira seluk, tan ne’e FEDA nia servisu inklui mós regiaun Espesial Oe-cusse zeems nia fundu iha FEDA hotu.
“Ita hala’o tiha ona servisu balun husi FEDA mak horiseik ita ba vizita estrada kontinua nafatin servisu no sei falta 21 kilomentru bele haleu ona Ataúro laran tomak, FEDA nia servisu ba iha tinan ida ne’e sei haree liubá estrada tanba estrada mak sai infraestrutura importante ida ne’ebé komunidade sira presiza tebes, depois tuir mai sei haree ba iha edukasaun no sira seluk tan.” Hatutan Ministeriu Administrasaun Estatal Tomas Cabral
Nia salienta tan katak orsamentu ba iha tinan ida ne’e hamutuk 1.2 miliaun atu haree ba iha prosesu dezenvolvimentu sira hanesan ohin temi ona maibe haree fali ba iha orsamentu ne’e kiik tebes, nune’e iha tinan oin ho planu sira ne’ebé iha sei koloka orsamentu 3 millaun ba iha prosesu dezenvolvimentu sira kobre ba iha setor hotu ne’ebé bele hala’o iha atauro.
Hatutan husi Diretor Ezekutivu FEDA Hermes da Rosa Correia Barros, inagurasaun edifisiu FEDA ne’e atu koloka ona adjuntu enjineiru sira iha ne’e atu konsentra servisu ba iha terenu ba suku hodi halo koordenasaun ho komunidade sira atu bele hala’o servisu depois liuhusi konsellu jeral entre PAM Ataúro no konsellu jeral FEDA nia hodi deside prioridade saida mak bele implementa iha tinan tinan
“FEDA iha tinan 2024 implementa iha projeitu lubuk ida hanesan balkaun uniku mak ohin ita hala’o ona lansamentu, ida seluk mak eskola, ida seluk tan mak estrada ne’ebé FEDA loke husi Suku Makadadi ba Suku Berau, Suku Beloi, Aldei Harlou ba Aldeia Adara no husi Aldeia Adara ba Aldeia Atikru nomos ba tan Aldeia Makee.” Dehan Diretor Ezekutivu FEDA Hermes da Rosa Correia Barros
Nia salienta hanoin katak ba futuru FEDA iha planu trasa estrada nasional ne’e husi villa Maumeta haleu tiha Ataúro laran tuir planu dezeña ne’ebé iha, no sei haree ba iha Aerportu ne’ebe sei halao iha tinan oin. Husi Aerportu ne’e koalia ona ho liña koordenador sira iha eskola ida nomos komunidade balun nia uma mak sei hasai hodi loke Aerportu.
Reportajen : Domingas
Foto : Domingas