Dili, 19 Marsu 2025 (Média Democracia) – Ministru ba Asuntu kombantentes ba libertasaun Nasional hala’o komunikadu imprensa hodi fó sai ba publiku relasiona ho kombatentes no martires sira-nia oan ne’ebé sei hetan bolsa estudu hamutuk rihun ida atus-tolu iha teritoriu Timor laran tomak, komunikadu ne’e hala’o iha salaun três de março Dili
Ministru ba Asuntu Kombatentes ba Libertasaun Nasional (MAKLN) Gil da Costa Monteiro “Oan Soru” hateten, ohin aproveita oportunidade ida ne’e hakarak fó sai ba publiku relasiona ho formasaun ne’ebé hahu ona ohin ho atividade rua hanesan formasaun no preparasaun ba bolsa estudu ninian ne’ebé sei abertura iha loron 24 Marsu tinan 2025 no sei remata iha loron 22 Abril tinan 2025, atividade abertura ba bolsa estudu ne’e sei hala’o iha Munisipiu hotu-hotu no atividade segundu sei koalia liu kona-ba preparasaun extensaun ba dokumentu sira ne’ebé seidauk los husi veteranu sira kada Munisipiu.
“Martires no kombatentes sira-nia oan ne’ebé sei hetan bolsa estudu ho total bolseira hamutuk rihun ida atus-tolu sei hetan bolsa tuir regra anterior ne’ebé iha kada bolseiro sei mai husi nivel ensino Pre-Primaria, Ensino Pre-Secundario, Ensino Secundario no nivel universidade, husi bolseiro sira ne’e mai kada Munisipiu no bolsa estudu ne’e laos ba deit iha rai laran, maibé bele mós ba eskola iha rai liur kompostu husi ema neennulu resin-lima (65), kada Munisipiu ema nain lima (5) bolseiro sira sei hetan bolsa estudu ne’e to deit iha lisensiatura, tanba lei rasik mak fó sai hanesan ne’e.” Dehan Ministru ba Asuntu Kombatentes ba Libertasaun Nasional (MAKLN) Gil da Costa Monteiro “Oan Soru” iha salaun tres de marsu CCLN Dili
Nia hatutan husi bolseiro sira ne’e kada Munisipiu bolseira ba universidade hamutuk ema atus-neen limanulu(650), bolseira ba Ensinu Sekundariu hamutuk atus-tolu ruanulu resin-lima (325), bolseiro Pre-primaria hamutuk neennulu resin-lima (65), kada Munisipiu ema nain (5), no ba bolseira Pre-Secundario hamutuk atus-ida sianulu resin-lima (195), kada Munisipiu ema nain sanulu resin-lima (15).
“Atividade sira ne’e sei hahu iha loron tuir mai, husu ba Diretor atu orienta nia tekniku sira ba hamutuk ho CCLN Munisipiu sira liuhusi Sekretariu Ezekutivu Munisipiu sira ne’ebé ohin mai tuir hotu atividade, hahu iha loron 24 marsu tinan 2025 sira hotu-hotu sei hala’o servisu kada Munisipiu atu nune’e sei remata iha loron 22 abril tinan 2025, ida ne’e mak atividade primeiru nian ne’ebé koalia kona-ba kombatentes no martires sira nia-oan ne’ebé sei hetan bolseiro iha tempu badak.” Informa Ministru ba Asuntu Kombatentes ba Libertasaun Nasional (MAKLN) Gil da Costa Monteiro “Oan Soru” ba jornalista
Nia salienta agora koalia mós kona-ba preparasaun ba pensaun ninian liuliu ba iha segundu registu ne’ebé foin daudaun sai hela kontestasaun no reklamasaun, lamentasaun, protestu, no balun halo komunikadu imprensa, ba sira ne’ebé dadus los ona no la iha reklamasaun sira bele hatama sira nia dokumentu iha Munisipiu no resibu sira ne’e sei fó sai iha CCLN kada Munispiu, hahu iha loron ida fulan abril tinan 2025 no remata iha loron tonunulu fulan juñu 2025 durante fulan tolu nia laran.
“Prazu reklamasaun no kontestasaun ba segundu registu ninian ba kombatentes no martires libertasaun nasional nian atu haree didiak dokumentu hotu ne’ebé atu mai hatama iha Munisipiu no lori mai nasional atu nunee bainhira nasional akumula hotu ona dokumentu sei la iha tan reklamasaun ka kontestasaun.” Nia re-afirma
Aproveita mós oportunidade ida ne’e hakarak informa ba publiku katak horseik iha ona reunia ida ho CCLN sira husi Munisipiu hodi anunsiu ba publiku karta avizu ida extensaun ba prazu reklamasaun no kontestasaun fulan ida tan, ba sira ne’ebé dokumentu seidauk los bele aproveita oportunidade ida ne’e hodi hadia dokumentu sira ne’e ho los atu nune’e la iha ona reklamasaun no kontestasaun.
Reportajen : Domingas
Foto : Domingas