Dili, 20 Marsu 2025 (Média Democracia) – Ministeriu da Agricultura, Pecuaria, Pesca e Floresta (MAPPF) ohin tau fatuk dahuluk ba Konstrusaun Laboratoriu Veterinariu No Unidade Bakteriolojia
Segundu Sekretariu Estadu ba fiskalizasaun José de Araújo informa katak, politiku governu da sia ne’e hakarak atu hamenus liután produsaun animal ba porsentu ruanulu ba tinan lima husi 2023 to’o 2028.
“Objetivu husi lansamentu ne’e atu hateten katak moras animal agora dadauk barak no boot tebes iha ita nia nasaun, nune’e veterinaria hakarak hamenus moras refere, liuhusi jestaun jeral ba pekuaria vetenaria no jestaun nasional kolabora hamutuk ho Menzies oinsa atu responde ba politiku governu nian kona-ba hamenus moras animal.” Dehan Sekretariu Estadu Pekuaria José de Araújo ba jornalista sira iha Matadoro Dili
Sekretariu Estadu haktuir katak, politiku governu dasia ne’e atu halo prevensaun ba moras animal no sei hala’o iha Munisipiu lima maibé sei depende ba orsamentu ne’ebé governu aloka.
“Politika governu dasia ne’e oinsa atu halo prevensaun ba moras animal, nune’e ita tenke kria sosializasaun hodi komunidade sira bele hatene no iha koñesimentu kona-ba moras animal hodi sira presiza kuidadu sira nia animal ho diak no la bele hetan moras, maibé kuando animal moras todan liu ona sira bele kontaktu tekniku MAPPF.” Dehan nia
Iha parte seluk, Antonio Goçalves nu’udar Country Manager Menzies iha Timor Leste nian mós apoia Laboratoriu Nasional Saúde (LNS) hodi fornese konfirmasaun sira kona-ba modelu rezistensia nian ne’ebé la’os identifikasaun organizmu avansadu komun no vijilansia AMR. Ida ne’e inklui hametin infraestrutura laboratoriu, formasaun, fornese orientasaun no formasaun ba pesoal kliniku inklui pesoal laboratoriu.
“Menzies Timor-Leste liuhusi programa Fleming Fund nu’udar programa asistensia husi Reinu-Unidu ne’ebé jere husi Departamentu Saude no kuidadu Sosial Reinu-Unidu nian, ne’ebé estabelese ona atu apoia nasaun sira hodi kria ka fahe no uza dadus rezistensia antimicrobiu (AMR) atu nune’e sira bele optimiza uzu husi antibiotikus no hamenus rezistensia ba aimoruk.” Dehan Antonio Goçalves nu’udar Country Manager Menzies iha Timor Leste
Menzies servisu hamutuk ho Ministeriu da Agrikultura, Pekuaria, Peska no Floresta (MAPPF) durante tinan 2017, depois iha tinan 2018 Menzies aplika no manan grant ida ne’e atu suporta governu Timor-Leste nian, hakbiit iha sistema vijilansia ba AMR iha Timor Leste.
Reportajen: Nélia
Foto : Domingas