Díli, 26 Marsu 2025 – Iha loron Mundial ba Bee 2025, WaterAid Timor-Leste hamutuk ho komunidade global atu selebra loron importante ne’e ho tema nasional tinan ne’e, “Konserva Bee hodi Haburas Ekosistema”. WaterAid apresia Governu, komunidade no parseiru dezenvolvimentu sira ne’ebé halo asaun atu proteje rekursu bee no promove pratika jestaun sustentável ba bee hodi garante reziliénsia ba ema no natureza.
Bee mak xave ida ba dezenvolvimentu sustentável, ne’ebe suporta saúde, agrikulturaa, no biodiversidade. Maibé Timor-Leste enfrenta dezafiu boot iha seguransa bee, tanba impaktu husi mudansa klimatika, desflorestasaun no uza bee ne’ebé la sustentável. Iha área rurál, kuaze 85% família sira ne’ebé bele asesu baziku ba bee, sei iha 15% família maka seidauk iha asesu ba bee. Desafiu sira ne’e impaktu ba moris loron-loron no fó ameasa ba reziliénsia komunidade no ekosistema lokál.
Haforsa Konservasaun Bee ba Futuru ne’ebé Sustentável
WaterAid Timor-Leste kontinua nia kompromisu atu aumenta asesu ba bee moos, saneamentu, no hijiene (BESI) iha komunidade rurál, enkuantu promove jestaun bee ne’ebé sustentável. Iha Munisípiu Manufahi no Liquiçá, WaterAid suporta husi Swedish International Development Cooperation Agency (SIDA) kolabora ho parseiru no komunidade lokal hodi implementa ona kaptasaun incorpora ho konservasaun bee no rai inklui debu, SLAT, travasaun kadalak, terasu, no promosaun pratika cultural Tara Bandu. Aprosimasaun integra esforu lidera husi komunidade no teknolojia, inklui indicador nível bee atu asegura rekursu bee ba tempu naruk.
Iha loron Mundial Bee ida ne’e, WaterAid Timor-Leste hanoin importante atu iha asaun colaborativa husi:
- Governu atu kontinua inisiativa atual kona-ba politika no investimentu iha jestaun bee sustentável.
- Komunidade atu kontinua foti partsipasaun ativa iha reflorestasaun no protesaun basia hidrográfica.
- Parseiru Dezenvolvimentu atu solusaun inovativu ba konservasaun bee ne’ebé inkorpora teknolojia avansadu.
- Organizasaun Sosiedade Sivil atu kontinua halo advokasia uza evidénsia ba
Investimentu iha bee importante, tanba mudansa hahú ho bee. Hamutuk ita bele bele asegura seguransa bee ba futuru no hametin ekosistema reziliente ne’ebé suporta ema nia bem-estar.
Ba informasaun klaru, bele kontaktu :
Marlinda Jeronimo
Ofisial Komunikasaun no Apoiu Dezemvolvimentu Negósiu, WaterAid Timor-Leste
Email : marlinda.jeronimo@wateraid.org.au