Dili, 01 Abril 2025 (Média Democracia) – Clubu Boxing Maubere Puru (CBMP) hala’o konferensia imprensa kona-ba delega Boxing Elesio sei aranka ba Bali Indonesia iha fulan 01 Abril 2025 sei parstisipa enventu HSS Bali Denpasar iha tinan ne’e, husu ba Timor-oan tomak atu apoiu liuhusi orasaun, konferensia ne’e hala’o iha Komite Olímpicos segunda semana ne’e.
Treinador Clubu Boxing Maubere Puru (CBMP) Julidio P.B Pinto hateten, iha oportunidade ida ne’e agradese ba empreza Timor-oan durante ne’e fó apoiu ba Clubu refere hodi partisipa iha eventu HSS Bali Danpasar iha tinan ne’e.
“Ami agradese tebes ba empreza Timor-oan sira ne’ebé fó apoiu maximu tebes mai ami nia Clubu Maubere Puru atu partisipa iha eventu refere iha Bali dia 05 Abril tinan ne’e. Ami ekipa la haluha husu ba Timor-oan tomak atu apoiu husi orasaun, nune’e bele akompaña nafatin ita nia boxista hodi bele hetan susesu lori Timor-Leste ba mundu.” Dehan Treinador Clubu Boxing Maubere Puru (CBMP) Julidio P.B Pinto
Nia hatutan boxista Elisio ne’ebé atu ba tuir eventu sei joga iha loron 05 abril 2025 iha Bali Danpasar, nune’e hodi faith hasoru boxista Alvaro husi Indonesia no sei joga iha “klase ringan”
“Ha’u hanoin husu ba joven Timor-oan hotu ne’ebé iha potensia boxista iha Clubu Timor-Leste atu mantein disiplina, nune’e ami nia Clubu Maubere Puru hodi halo selesaun hodi buka dalan oinsá atu lori ba tuir jogu iha nivel internasional.” Dehan nia
Nia hatutan ekipa husi Clubu Boxing Maubere Puru ema mesak joven Ex-boxista de’it mak inklina-aan iha clubu refere. Aleinde ne’e bele fó tulun ba federasaun tinju atu haree boxista sira ne’ebé iha potensia, nune’e sai matadalan hodi ba eventu Boxing iha rai liur.
Iha fatin hanesan boxista Clubu Boxing Maubere Puru Elisio Raimundo Gaio hateten, sente konte tebes-tebes tanba bele hetan oportunidade husi Clubu ne’ebé hatan delegasaun atu ba partisiapa eventu iha Bali Danpasar, fiar katak sei hatudu jogu ne’ebé di’ak.
“Ha’u agradese tebes ba ami nia klubu ne’ebé fó oportunidade mai ha’u atu ba tuir kompetisaun eventu HSS Bali, liuhusi oportunidade durante ne’e ha’u esforsu hodi prepara-aan ho di’ak tanba ita atu hasoru ema oin foun la fasil. Maibé ha’u fiar iha kompetisaun ida ne’e ha’u sei hatudu buat di’ak ba ita nia nasaun Timor-Leste.” Dehan Elisio Raimundo Gaio
Nia hatutan iha kompetisaun ne’e sei ba joga amatir no ampro iha ronde tolu nia laran, nune’e tempu seluk bele hetan tan oportunidade hodi ba tuir kompetisaun iha rai seluk.
Esplika liután boxista Elisio partisipa eventu HSS Bali sei joga hasoru boxista Alfaro Indonesia nian iha loron 05 fulan abril 2025. Aleinde ne’e husu ba maluk Timor-oan hotu nafatin fó apoiu liuhusi orasaun nune’e bele akompaña jogu ida ne’e bele lao ho vantajen ne’ebé di’ak.
Reporatjen : Nelfiano
Foto : Nelfiano