Dili, 22 Abril 2025 (Média Democracia) – Cardeal Dom Virgílho Do Carmo Da Silva hala’o konferensia imprensa antes desloka ba iha Vaticano hodi partisipa funeral Sua Santidade Papa Francisco iha Vaticano.
Cardeal Dom Virgílho Do Carmo Da Silva hateten, hanesan sarani hotu asiste ona iha média sosial ho novidade ida ne’ebé halo ema hotu sente teriste no lakon Sua Santidade Papa Francisco ne’ebé nia peregrinasaun remata ona iha mundu.
“Horiseik lokraik ha’u simu karta ida mai husi dekanu kardeal sira ninian hodi konvida kardeal sira atu hala’o inkontru iha Vaticano no inkontru ida ne’e hahu ohin tuir oras italiano nian, ohin dader tuku sia (9) maibé tanba ami ne’ebé dook seidauk bele, entaun ohin dader ha’u simu tan mensajen ida ho sr.Marco ho urjente husu ha’u tenke lalais ba iha Vaticano, grasas tanba ohin preparasaun ba viajen nian hotu lao ho diak, entaun ohin tersa ha’u aranka to’o iha ne’ebá iha kuarta, no kinta ha’u sei partisipa iha inkontru kardeal sira ninian husi pedidu hirak ne’e mak ohin ha’u halo viajen ba roma.” Dehan Cardeal Dom Virgílho Do Carmo Da Silva liuhusi Komunikandu Imprensa
Cardeal hatutan viajen ida ne’e objetivu primeiru mak atu ba tuir Serimonia funeral ne’ebé orariu seidauk fó sai husi Vaticano nian, objetivu segundu mak hanesan ohin temi ona katak Kardeal Timor simu karta inkontru ida husi dekanu Kardeal Vaticano nian hodi halibur kardeal sira hamutuk hodi prepara ba eleisaun hodi hili Sua Santidade Papa foun hodi troka Papa Francisco nian fatin, tan ne’e mak iha inkontru ne’e kardeal sira sei partisipa hotu, ho ida ne’e mak ohin hala’o viajen ba iha Vaticano.
“Mensajen ba iha sarani katolika Timor-oan hotu ne’ebé namkari iha rai liur nomos iha rai laran primeiru ita haree katak deste horiseik bainhira notisia ne’e to’o iha Timor-oan sira nia tilun depois sira verifika katak los kalae depois ita bele asiste no haree katak sarani hotu hatudu duni sira nia sentimentu tristeza no saudades ba iha Sua Santidade Papa Francisco, entaun kada sarani sira hatudu sira nia reasaun expontania iha lecidere ohin dader hala’o orasaun iha ne’ebá, iha tasi tolu sarani sira halibur malu hodi sunu lilin altar no hasae orasaun hodi hatudu katak sarani sente lakon tebes. Sarani sira hatudu duni sira nia domin sentimentu tristeza ba falesimentu Sua Santidade Papa Francisco ne’ebé horiseik lokraik iha residensia Vaticano.” Hatutan Cardeal
Nia salienta, espera katak Diosezes Baucau ho Maliana nomos sarani iha Munisipiu hirak ne’e mós halibur malu hodi hasae orasaun ba iha falesimentu Sua Santidade Papa Francisco. Ema hotu lakon ne’eduni nafatin husu ba sarani sira maske haree iha deit média maibé nafatin hasae orasaun ba iha Sua Santidade.
Reportajen : Domingas
Foto : Domingas