Dili, 23 Maiu 2025 (Média Democracia) – Camara Comercio Industria Timor-Leste CCI-TL sigla portuges, realiza seremonia hodi selebra loron aniversariu ba dala-15, ho tema jeral “Reforsa Parseria ba Sustentabilidade Dezenvolvimentu Nasionál” atividade ne’e hala’o iha salaun CNE Caikoli Kinta semana ne’e.
Prezidente Camara Comercio Industria Timor-Leste CCI-TL, Jorge Manuel Serrano hateten, ohin selebrasaun aniversariu CCI-TL nian ba dala-15, iha seremonia ne’e partisipa husi Primeru Ministru no emprezariu iha Munisípiu 13 inklui Rejiaun Administrativu Espesial Oe-cuse Ambeno RAEOA.
“Seremonia ohin ne’e CCI-TL la mesak maibé serbisu hamutuk ho Autoridade Inspensaun no Fiskalizasun Atividade, Ekonómika, Sanitária no Alimentár (AIFAESA), Autoridade Nasionál Lisensa Ambientál (ANLA), Instituisaun Nasionál Seguransa Sosiál (INSS) no Banku Nasionál Komérsiu Timor-Leste (BNCTL), hodi kontrola ba servisu ne’ebé kampañia sira halo.” Dehan Prezidente Camara Comercio Industria Timor-Leste CCI-TL, Jorge Manuel Serrano
Nia hatutan CCI-TL hanesan mahon ba setór privadu ne’ebé eziste iha Timor-Leste durante vizita no rona direta katak emprezáriu barak mak infrenta dezafiu oioin menus rendimentu husi 95% nune’e labele hamoris setór ekonomia no sustentavel iha rai laran.
“Governu presza iha semináriu ne’e kada entidade ko’alia ida-idak nia papél liga ho atividade komersiál nian nune’e empreza labele manipula presu no labele fa’an produtu ne’ebé deskonfia liu prazu, tenke selu koima no taka provizoriu bainhira la kumpri regras sei taka parmanente fiar katak ba futuru labele kontinua tan ona problema hirak ne’e.” Dehan Prezidente CCI-TL
Nia informa iha semináriu refere AIFAESA, sei ko’alia kona-ba oinsá hametin rejiliénsia ekonómiku liuhusi fiskalizasaun integridade ba seguransa sanitária no ai-han. ANLA ko’alia kona-ba haforsa governasaun ambientál ba dezenvolvimentu nian, oinsá emprezáriu sira hala’o atividade tenke hetan sertifikadu ambientál.
“CCI-TL mak selebra ba tinan 15 maibé ema emprezariu sira balun husi kedas tempu Indonesia emprezariu nanis ona ne’ebé agora sira iha esperiensia dadaun ne’e kontinua hala’o kna’ar. CCI-TL hanesan mahon de’it fó organiza no advokasia sai mós defensor ba emprezariu sira bainhira hetan problema ruma CCI-TL prontu atu rezolve.” Nia haktuir
Nia informa CCI-TL mós sai ponte komunikasaun ba Autoridade lokal no emprezariu, ukun nain, politika no setor publika iha rai laran, emprezariu ida-idak iha nia espetativa rasik atu halo negósiu ruma halo tarjetu mós ba nia forsa no kbi’it.
Esplika liután mensajen ikus ba emprezariu hotu iha Timor-Leste nafatin konsistente desizaun ne’ebé iha labele dezanima tanba rai ida ne’e sei iha oportunidade mesmu rai ki’ik maibé hotu-hotu hatene nune’e buat hotu fó fiar ba estadu no governu halo parseria ne’ebé di’ak nune’e bele kria rasik produtu lokal hodi exporta ba rai liur.
Repotajen : Nelfiano
Foto : Nelfiano