Dili, 06 Juñu 2025 (Média Democracia) – Sekrétaria Estadu Igualidade (SEI), ho TAF-Nabilan realiza sorumutu hodi haforsa ho parseru dezenvolvimentu no tekniku iha dialogu kritiku kona-ba papél influensia pratika fó rekursu prevensaun primaria efetivu ho evidensia hodi hapara violensia kontra feto no labarik, sorumutu ne’e hala’o iha Suai Room Timor Plaza, kinta feira semana ne’e.
Sekrétaria Estadu Igualidade (SEI), Elvina Sousa de Carvalho hateten, atividade ida ohin hanesan realiza sorumutu ba prevensaun violensia bazeia ba jeneru nian ne’ebé oganiza husi SEI no TAF-Nabilan, tanba programa ne’e suporta husi Embaixada Australia liuhusi NGO internasaional USAID.
“Ita hotu hatene iha Timor-Leste iha kazu ne’ebé aas tebes VBJ, tanba ne’e realiza sorumutu refere, barak liu haree kona-ba prevensaun nune’e hodi evita problema no halakon pratika aktu violensia kontra feto no labarik sira iha Timor-Leste. Nune’e ohin ami hamutuk ho parseru dezenvolvimentu sira husi rai liur tuir sorumutu ne’e atu diskute kona-ba aktu violensia ne’ebé sempre akontese iha rai laran.” Dehan Sekrétaria Estadu Igualidade (SEI), Elvina Sousa de Carvalho
Sekrétaria hatutan Governu Australia ho SEI iha parseria ne’ebé di’ak tebes durante ne’e hetan apoiu teknika no finanseiru no hodi halo prevensaun ba Violensia Bazeia ba Jeneru iha tipu violensia kontra feto no labarik feto sira, fiar katak kolaborasaun ne’e ba futuru sei di’ak liu.
“Maske violensia sempre akontese maibé Estadu Timor-Leste esforsu maka’as atu luta hasoru Violensia Bazeia ba Jeneru akontese iha rai laran. Tanba ita iha planu asaun nasional VBJ mai husi mandatu lei kontra violensia bazeia ba planu nasional VBJ iha pilar tolu prevensaun, asesu ba justisa nomos asistensia ba vitima violensia nian.” Hatutan Sekrétaria
Nia afirma enkoraja maluk jornalista hotu tenke iha koñesimentu ba prevensaun planu asaun nasional Violensia Bazeia ba Jeneru hodi inspira imi nia atividade produtu jornalista nian ne’ebé sensivel ba violensia bazeia ba jeneru, politika sira relasiona planu asaun igualidade iha Timor-Leste.
Iha fatin hanesan Vise Embaxador Australia, Edward Wilkinson iha diskursu hateten, sorumutu ohin koalia kona-ba prevensaun Violensia kontra feto no labarik feto liu-liu mane sira sempre uza violensia iha familia uma laran, hanesan efetivu global ne’ebé sempre akontese.
“Ita haree ezemplu iha Autralia feto rua husi ema nain lima hetan ona violensia desde tinan 15 sira mak komum liubá violensia fiziku asediu sexual no violensia sexual no feto konsidera boot liu atu hetan violensia ema ne’ebé sira koñese liu no ema ne’e la koñese.” Dehan Vise Embaxador Australia, Edward Wilkinson
Embaxador hatutan governu Australia iha komprimisiu atu prevene violensia iha fronteira no parseru dezenvolvimentu tomak atu hamutuk hodi hatan ba dezafiu hirak ne’ebé sempre akontese ba feto no labarik feto sira.
“Iha tinan ne’e lansa kona-ba Australia nia estratejia internasional ba igualidade jeneru husi ita-nia komprimisu ba igualidade jeneru no avansa diretu umanu feto labarik feto sira tanba igualidade jeneru fó benefisiu ba ema hotu nia moris.” Dehan nia
Nia afirma servisu atu hakotu violensia sexual no violensia bazeia ba jeneru atu proteje feto sira-nia diretu ba saude reprodutivu no sexual mak prioridade dahuluk husi parte lima.
“Ami mós kompromete atu aumenta investimentu iha versaun primaria ba violensia sexual no bazeia ba jeneru. Liuhusi ami nia plataforma prevensaun violensia bazeia ba jeneru iha sudeste aziatiku sei apoiu rejiaun sira ne’ebé liga ho evidensia hodi prevene violensia sexual no jeneru iha rejiaun hotu.” Nia informa
Nia subliña plataforma ne’e liga liubá sosiedade sivil no organizasaun rejional no internasional atu dezenvolve programa no politika transformativa ne’ebé aliña ho planu asaun rejional Asian nian kona-ba Violensia Bazeia ba Jeneru kontra feto no labarik feto.
Esplika liután Governu Australia nia komprimisiu atu hakotu violensia kontra feto no labarik feto sira, solidariadade ho parseru Timor-Leste sira nia palnu, parseru dezenvolvimentu iha 2025 to’o 2030 sira kompromete atu kontinua halo parseru ho Governu Timor-Leste hodi halo prevensaun violensia ba feto no labarik feto sira.
Reportajen : Nelfiano
Foto : Nelfiano