Dili, 20 Juñu 2025 (Média Democracia) – Prezidente Repúblika, Jose Ramos-Horta hetan kondekorasaun Profesór Adjuntu Onoráriu husi Universidade Taylor Malázia iha Kinta-feira, 19 Juñu 2025.
Iha serimónia ida ne’ebé subliña hametin lasu entre Timor-Leste no instituisaun edukasionál Sudeste Aziátiku. Prezidente Repúblika Timor-Leste Ramos-Horta simu onra iha kampus universidade nian no hato’o diskursu aseitasaun ida hafoin diskursu benvindu nian husi Vise-Reitór Profesór Barry Winn.
Serimónia ne’e marka lansamentu ba parseria edukasionál ne’ebé ambisiozu dezeña atu prepara estudante Timoroan sira ba admisaun iha instituisaun sira iha Malázia no Singapura tomak. Programa ne’ebé patrosina husi Universidade Taylor sei fó apoiu komprensivu inklui formasaun ba lian Inglés, aklimatizasaun kulturál, vizita ba estudu feriadu, no preparasaun profesór sira atu garante katak estudante Timor-oan sira kumpre padraun profisiénsia ne’ebé presiza ba integrasaun susesu iha sistema edukasionál rejionál sira.
Inisiativa ida ne’e reprezenta pasu signifikativu ba Timor-Leste nia integrasaun kompletu liu iha Asosiasaun Nasaun Sudeste Aziátiku (ASEAN), tuir modelu susesu ne’ebé antes ne’e implementa ona ba estudante Xinés sira ne’ebé buka admisaun iha instituisaun prestijiadu sira hanesan Universidade Nasionál Singapura no Universidade Teknolojia Nanyang. Programa ne’e hatudu Timor-Leste nia kompromisu ba avansu edukasionál no kooperasaun rejionál bainhira nasaun kontinua harii ligasaun sira iha komunidade Sudeste Aziátiku nia laran.
Reportajen : Informasaun asesu husi Media Officer PR
Foto : Media Officer PR