Dili, 01 Jullu 2025 (Média Democracia) – Comissão Nacional Juventude Católica Timor-Leste (CNJCTL) nu’udar orgaun ofisial ida husi Conferência Episcopal Timorense (CET) ne’ebé hakna’ar hanesan responsável ba assuntu pastoral foinsa’e katólika nian iha kreda Timor-Leste, Konferensia imprensa ne’e hala’o iha Salaun Camara Eclesiastica Arquidiocese de Dili, Lecidere Segunda-feira semana ne’e.
Porta-voz Prezidente Exekutivu CNJCTL no Coordenador Geral Equipa Sinodal, Pe. Francisco I.do N. Tey Seran, hateten tinan 2025 hanesan tinan Jubileu ordinariu ida no maktoban Santo Padre Francisco foti hanesan tinan Jubileu esperança ho bulla “Spes Non Confundit” ka Esperança labosok.
“Tinan ida ne’e sai mós tinan graça ba kreda Timor- Leste liuliu ba foinsa’e katólika sira, iha ne’ebé kreda Timor-Leste sei hetan visita husi Cruz Jovem Internacional ka Icon Cruz Jornada Mundial Juventude nian ho tema “Aten barani ba, Ha’u manan ona Mundu” (Jo.16.33).” Dehan Porta-voz Pe. Francisco
Nia hatutan, nune’e konferencia Episcopal Timorense (CET) fó konfiansa ba CNJCTL hodi sai nu’udar responsavel maximu iha visitasaun Cruz Jovem internacional iha Kreda Timor-Leste.
“CNJCTL organza hodi forma ona equipa traballu ne’ebé hanaran EQUIPA SINODAL hodi envolve foinsa’e sira husi Comissão Diocesana, Movimento Juvenil Katólika no Universitáriu sira hodi bele halo preprasaun ba eventu refere sei mai iha tempu badak.” Hatutan Pe. Francisco
Nia afirma, tinan ne’e mós Kreda Timor sei selebra festa fiar foinsa’e sira nian ne’ebé hanaran Jornada Nasional Juventude habadak ba (JNJ) ho Icon Cruz Jovem ne’ebé sei realiza iha Diocese Maliana, Paróquia Bobonaro ho tema “Ha’u Hambrok” (Jo.19:28)
“Liuhusi visitasaun Jovem Internasional iha Kreda Timor no Jornada Nasional Juventude (JNJ), Equipa Sinodal halo ona ajustamentu ba programa boot rua ne’e sei hala’o iha tempu badak nia laran.” Informa Pe. Francisco
Comissão Nacional Juventude Católica Timor Leste (CNJCTL) liuhusi EQUIPA SINODAL hakarak informa ba publiku, Sarani tomak kreda Timor nian kona-ba visitasaun Cruz Jovem Internacional, estadía iha kreda Timor durante semana ida 23 to’o 30 Agosto 2025.
“Relasiona ho Jornada Nacional Juventude (JNJ) realiza iha Diocese Maliana, Paroquia Bobonaro, 26 to’o 29 Agostu 2025. Programa Ajustamentu iha loron 23 Agostu 2025. Aleinde ne’e bemvindo Cruz Jovem Internacional iha Kreda Timor sei vigilia iha Sé Catedral.” Subliña Pe. Francisco
Kona-ba Expozisaun Promosaun Vokasional sei realiza iha loron 24 Agostu 2025 misa hamutuk ho sarani sira iha Sé Catedral kontinua Vigilia iha kalan.
“Expozisaun Promosaun Vokasiona iha loron 25 Agostu. Peregrinasaun iha Diocese Maliana, hamutuk ho Peregrinus Dioseze Baucau no Arquidiocese Dili no missa hamutuk ho sarani Dioseze Maliana iha Pro Catedral Maliana. Aleinde ne’e vigilia husi sarani sira nian iha loron 26 fulan Agostu no peregrinasaun ho Cruz Internasional ba Paroquia Bobonaro. Missa Abertura Jornada Nasional Juventude (JNJ) iha loron 27 fulan Agostu 2025.” Informa Pe. Francisco
Nia salienta, sei realiza palestra tema “Ha’u Hambrok” no Partilha Cruz Jovem Internasional Comisaun husi Korea katequese Orasaun Taize no sakramentu konfesa. Iha loron 28 fulan Agostu sei realiza asaun karidade ba Sarani Paroquia Bobonaro no palestra husi MJDAC, sei imput husi Jovem Internasionl husi Malaysia, viasakra no Bensaun santissimu.
Iha loron 29 fulan Agostu 2025 Misa Misaun nian kultura rua sei hasoru malu “Bobonaro no Remexio” hodi entrega Cruz Jovem Peregrinasaun hikas mai Dili. (Cruz Jovem Internasional hatur iha Catedral, Cruz Jovem Nasional liubá Remexio) iha loron 30 fulan Agostu sei selebra misa Enseramentu ho Cruz Internasional iha Sé Catedral sei halo proseisaun ba Aeroporto Internasional Nicolao Lobato hodi ba iha Tailand.
Mensajen ba sarani tomak Kreda Timor nian, husi tasi feto to’o tasi mane, husi lorosa’e to’o loromonu, husi parte uma kreda no parte Governu nian, mai la’o hamutuk hodi halo susesu ba eventu fiar nian hodi lori sarani sira, liu-liu ba foinsa’e sira hodi hametin liután fiar nu’udar sarani Katólika husi eventu boot ne’e. Kristu Moris no nia hakarak ita-moris.
Esplika liután ofisialmente ohin iha Munisípiu Dili, Posto-Adminitrativo Na’in Feto, iha Camara Eclessiastica Metropolitana Arquidiocese de Dili, dia 30 de Juñu 2025, Conferência Episcopal Timorense (CET) liuhusi Comissão Nacional Juventude Católica Timor-Leste (CNJCTL) fó sai ba publiku hodi halo lansamentu ba Equipa Sinodal no Programa Ajustamentu ba eventu boot rua ne’e ho simbolikamente loke Logo Equipa Sinodal nian.
Reportajen : Nelfiano
Foto : Nelfiano