Dili, 14 Jullu 2025 (Média Democracia) – Autoridade Protesaun Civil (APC) liuhusi Diresaun Xefe Seksaun no Komunikasaun realiza Konferensia imprensa hodi relata dadus semanal kona-ba akontesimentu dezastre naturais iha teritoriu ba semana ida nia laran, konferénsia ne’e hala’o iha salaun APC Caicoli Dili segunda semana ne’e.
Xefe Seksaun no Komunikasaun (XSK), Genoveba Fernandes Alves, informa Autoridade Protesaun Civil rejistu kazu dezastre hamutuk atus-ida haatnulu resin-ida (141) iha semana ne’e nia laran, tanba kauza husi mudansa klimatika ho tipu diferente.
“Iha semana ida ne’e Autoridade Protesaun Civil rejistu uma estragus hamutuk 27, ema mate 1, lakon 2, anin sobu uma hamutuk 20, rai halai uma 1, Ahi -an uma 6, priense kriteria hamutuk 20, apoiu emerjensia 7, ema evakua ba fatin segururu hamutuk 5, numerua ema ne’ebé afeita ba dezastre naturais hamutuk 141 ne’ebé akontese iha semenana ida nia laran.” Dehan Xefe Seksaun no Komunikasaun (XSK) , Genoveba Fernandes Alves
Nia hatutan Dezastre ne’ebé akontese iha Munisípiu 7 inklui RAEOA, iha Munisípiu Baucau anin boot sobu uma 15, rai halai uma 1, Munisípiu Bobonaro ahi-han uma 1, Munisípiu Ermera ahi-han uma 2, Munisípiu Lautem rai halai uma 1 no ahi-han uma 1, Munisípiu Liquisa ema mate 1 no nain 2 lakon, Munisípiu Viqueque anin boot sobu uma 1, iha RAEOA anin boot sobu uma 4 no ahi-han uma 1, dezastre ne’ebé akontese iha semana ida nia laran.
“Munisípiu Bobonaro Postu Balibo Suku Leolima, Aldeia Duaderok, iha loron 07/07/2025 Akontese ahi-han komunidade nia uma 1. la prienxe kriteria, Apoio de’it Emerjensia. Munisípiu Ermera Postu Ermera Suku Humboe, Aldeia Hatali, iha loron 10/07/2025 akontese ahi-han komunidade nia uma 1, at naton Postu Railaco Suku Fatuqoero, Aldeia Palimano, iha loron 10/07/2025 akontese ahi-han komunidade nia uma 1, apoiu emergensia de’it, tanba uma estadu.” Dehan nia
Nia afirma Munisípiu Lautem Postu Lospalos Suku Fuiluro, Aldeia Bemoris, iha loron 07/07/2025 akontese ahi-han komunidade nia uma 1, la prienxe kriteria apoiu de’it emerjensia. Suku Cacavei, Aldeia Solepara, iha loron 09/07/2025 akontese rai halai no estraga komunidade nia uma 1 no tama kategoria a’at total no agora dadaun familia sira hela iha vijiñu nia uma.
“Munisípiu Liquisa Postu Bazartete Suku Maumeta, Aldeia Nartutu iha loron 10/07/2025 akontese Labarik nain 3 ba haris tasi rejulta labarik nain 3 mout iha tasi, familia vitima hamutuk ho komunidade hetan fali vitima ho naran Diago dos Santos idade 13 iha oras 18: 20 enkuanto Vitima nain 2 seluk ho naran Tiago da Silva idade 10 ho Deicino Freitas idade 14 seidauk hetan to’o agora. Iha Munisípiu Viqueque Postu Uatulari Suku Makadique Aldeia Batulari iha loron 04/07/2025 akontese anin sobu komunidade uma-kain ida no aat naton.” Nia informa
Nia relata iha RAEOA Sub Rejiaun Oesilo Suku Usitaqueno, Aldeia Nibin, iha loron 05/07/2025 viatura kompaña nian estraga komunidade nia uma 1, apoiu deit emerjensia hetan responsavel husi kompaña refere. Sub Rejiaun Pante Makassar Suku Taiboko, Aldeia Ulas no Aldeia Nefobai, iha loron 06/07/2025 akontese anin sobu komunidade nia uma 2 Suku Naimeco, Aldeia Bonomesse, iha loron 07/07/2025 akontese anin sobu komunidade nia uma 1. Suku Lifau, Aldeia Oemolo, iha loron 08/07/2025 akontese anin sobu komunidade nia uma 1. Sub Rejiaun Nitibe Suku Suni-ufe, Aldeia Cabana, iha loron 08/07/2025 akontese ahi-han komunidade nia uma 1.
Esplika liután katak daudaun ne’e komandu Autoridade Protesaun Civil ne’ebé destakadu iha Munisípiu no parseiru relevante sira fó ona asistensia emerjensia sasan bazika ba komunidade sira ne’ebé sai vitima ba dezastre naturais iha mós rekuperasaun tuir prejudikasaun klase ida-idak nian hodi ezekuta ba andamentu sira tuir mai.
Reportajen : Nelfiano
Foto : Nelfiano