Dili, 30 Jullu 2025 (Média Democracia) – Prezidente Republika José Ramos-Horta hahu hala’o vizita traballu privadu ba Repúblika Indonézia husi loron 30 to’o 31 fulan Jullu tinan 2025, hodi hametin lasu amizade bilateral no foku ba diplomasia akadémika, harii dame, no reforsa parseria ne’ebé durante ne’e TL no Indonézia kria ona.
Destake husi Prezidente Ramos-Horta nia vizita badak mak nia diskursu xave iha Universidade Gadjah Mada (UGM) iha Yogyakarta, iha ne’ebé nia sei hato’o diskursu ho títulu “Servisu Komunitáriu nu’udar Fundasaun ba Lideransa Globál”, hodi inspira estudante no akadémiku sira hodi tradús inisiativa sira iha baze ba solusaun eskalavel sira ba pás no dezenvolvimentu sustentavel.
Prezidente mós sei envolve ho komunidade akadémika no kulturál sira Indonézia nian, inklui vizita ida ba Festivál Arte UGM nian, hodi subliña kbiit arte nian iha promosaun komprensaun interkultural.
Iha Jakarta, Prezidente Ramos-Horta sei hala’o diálogu estratéjiku ho lideransa Indonézia no sei hala’o diskursu públiku iha Sentru Estudu Estratejiku no Internasionál (CSIS), hodi reforsa kompromisu Timor-Leste nian ba estabilidade rejionál no unidade ASEAN nian.
Vizita ne’e subliña Timor-Leste nia dedikasaun atu habelar kooperasaun bilaterál ho Indonézia, koloka UGM nu’udar sentru ba diálogu estratéjiku no avansa aspirasaun partilhada ba rejiaun ida-ne’ebé pasífika no prósperu.
Atu esplika kle’an liután katak husi vizita ne’e Prezidente Republika José Ramos Horta sei hala’o dialogu ho lideransa sira husi Indonesia, no sei hato’o diskursu iha UGM Yogyakarta, nomos diskursu iha Sentru Estudu Estratejiku no Internasionál (CSIS) hodi hametin lasu bilateral no harii dame entre nasaun rua ne’e.
Reportajen : Domingas
Foto : Media PR