Baucau, 20 Agostu 2025 (Média Democracia) – Komemorasaun Ezisténsia FALINTIL ba Dala-50 ho tema “Estender a Paz Ao Mundo.” aniversaiu ne’e hala’o iha resintu Administrasaun Munisípiu Baucau, ne’ebé Media Democracia asesu husi pajina F-FDTL Kuarta semana ne’e.
Gabinete Koronel Marcelino Ximenes “Rizai” subliña fali Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl “Falur Rate Laek” nia liafuan katak, husu ba Timor-oan hotu atu kontinua habelar dame ba mundo, bele kontribui ba saida mak di’ak liu, sai save atu ultrapasa obstaklu hodi moris iha paz no dame nia laran.
“Ita halibur malu iha ne’e laos de’it reflete ba pasadu komun, maibé atu hafoun faktu valor sira ne’ebé positivu ba ita-nia prezente no trasa lalaok ba ita-nia futuru.” Dehan Gabinete Koronel Marcelino Ximenes “Rizai” iha resintu Administrasaun Munisípiu Baucau.
Gabinete Koronel hatutan, loron importante ne’e apela ba memória ba sira ne’ebé luta iha funu laran no gratidaun ba sira ne’ebé jerasaun foun sei asume reponsabilidade sira ne’ebé sei simu eransa ba nasaun nian. Iha kontestu TL nia luta ba autodeterminasaun, FRETILIN mosu nu’udar forsa polítiku ida save ba buka ukun-rasik aan, iha traisaun no konflitu kolonial nia leten.
“Kriasaun ba FALINTIL iha loron 20 Agostu 1975 save ba defeza povu no territóriu nasionál presiza organizasaun forsa Armada iha kapasidade atu proteje populasaun, apoiu independénsia no rejisti agresaun externa, liu-liu hasoru poder sira ne’ebé ameasa ba libertasaun nasionál.” Haktuir Gabinete Koronel
Nia afirma, tanba ne’e tema Jerál ba komemorasaun loron FALINTIL tinan ida ne’e, Governu liuhusi Ministéiru Defeza no F-FDTL deside hili tema “Estender a Paz Ao Mundo.” Aleinde ne’e Xefe Estadu Maior Jenerál FALINTL-F.FDTL konsidera tema ne’e reflete kona-bá paz no dame nian.
“Tema ida ne’e orienta ita-nia valor reflesaun ba oin nian, habelar dame ba mundo, dialogu direitamente ba eransa sira ne’e, iha ita-nia istória funu laran, ita aprende halo funu, nune’e mós iha tempu paz, ita hatene halo paz.” Afirma Gabinete Koronel
Nia informa, tanba luta ba Libertasaun hanorin defende rai no hatudu maturidade demokrátika ezijie atu loke odamatan ba mundo hodi fó sasin katak, dame mak obra justisa nian, dialogu no servisu hamutuk nian. Sub-tema ba komemorasaun loron FALINTIL tinan ida ne’e mak FALINTIL ho indentidade nasionál, harii karakter nasaun ida nian, tanba indentidade laos monumentu, maibé prosesu karakter nasionál hetan forma liuhusi susar no terus.
“Husu governu atu kontinua serví povu no eduka povu nomos tau matan ba povu, tanba FALINTIL hanorin katak, nasaun ida ne’e harii liuhusi soberania no responsabilidade defende ba territória no respeita ba direitu internasionál no haburas relasaun internasionál no nasaun sira seluk.” Informa Gabinete Koronel Marcelino Ximenes “Rizai”
Nia alerta, FALINTIL mós hanorin katak, brani no prudensia no atua ho firmeza hasoru injustisa hodi la rende ba tensaun violensia oioin, displiña no unidade no kumpri dever dame no paz hodi la haluha ema mak sentru ba misaun. Nafatin husu atu kria unidade no respeitu ba diversidade pluralidade no kultura orijin mak riku-soin ida ne’ebé hametin nasaun.
“Husu Timor-oan hotu servisu ho integridade no tau aas interese públiku aas liu benefisiu pesoal no transparansia no onra. Independénsia la’ós pontu Finál ba inísiu husi esforsu koletktivu ida ne’ebé dame no dura eziste iha instituisaun sira ne’ebé imparsial no Forsa Defeza ida ne’ebé profisionál no forsa polísia ida ne’ebé besik ba sidadaun sira no sistema kredesial ida ne’ebé konfiavel no administrasaun públika ida ne’ebé dedika ba komun.” Alerta Gabinete Koronel Marcelino Ximenes “Rizai”
Nia salienta farda tenki sinonimu fó protesaun no mediasaun habelar dame ba mundo. Entaun ba oin tenki investe mós ba diplomasia defeza ho partisipa no formasaun kontinua, atu nune’e ita hotu kontribui sai kredivél no efetivu.
Esplika liután dame no paz nu’udar misaun nasionál no internasionál, esperiénsia Timor-oan nian fó mai ita autoridade morál atu partisipa ho haraik-aan no kompoténsia iha misaun dame no kooperasaun rejional no inisiativa dezenvovimentu sustentavel.
Reportajen : Nelfiano
Foto : Média-F-FDTL