Dili, 19 Setembru 2025 (Média Democracia) – Sekretariu Estadu Protesaun Civil (SEPC), apoiu ona foos rihun ida (1000) ba Autoridade Postu-Admnistrativu Atauru, ne᾽ebé simu direita husi Prezidenti Interina Atauru. Objetivu husi apoiu foos ida ne’e atu responde ba familia vulnerável sira liu-liu inan aman sira ne᾽ebé presiza duni ai-han. Atividade ne’e Média Democracia asesu husi pajina SEPC, Sexta Semana ne’e.
Sekretariu Estadu Protesaun Civil (SEPC) Domingos Mariano Reis hateten, papel politika Sekretariu Estadu Protesaun Civil mak atu planeia servi no proteje sidadaun Timor-Leste husi kauza dezastre, bainhira afeita dezastre akontese iha Timor-Leste.
“Ha᾽u mak Sekretariu Estadu Protesaun Civil ne᾽ebé hetan konfiansa husi IX Governu Konstitusional lidera husi Maun Bo᾽ot Kay Rala Xanana Gusmão depozita komfiansa mai ha᾽u nu᾽udar Sekretariu Estadu Protesaun Civil (SEPC) ne᾽ebé nu᾽udar Segundu order husi Ministeriu Interior (MI) ha᾽u nia prejensa iha IX Governu Konstitusional atu koordena no planeia hodi ezekuta politika IX Governu Konstitusional misaun hodi haree ba sidadaun Timoroan ne’ebé afeita ba dezastre naturais iha rai laran.” Dehan Sekretariu Estadu Protesaun Civil, Domingos Mariano Reis
Sekretariu Estadu hatutan, SEPC nia misaun atu halo atu servi no proteje sidadaun Timor-Leste husi kauza dezastre bainhira akontese iha Timor-Leste iha responsavel maximu husi (SEPC). Iha programa rua importante, programa ida hanaran programa siguranasa nasional, programa funsionamentu no dezenvolvimentu intituisional iha programa IX Governo Konstitusional nian baseia ba planu estratejiku (PEDN 2011 no 2030).
“Tanba ne’e prejensa ohin iha Atauru ho objetivu ida, ita hotu-hotu hatene Timor-Leste afeita mós ba problema mudansa klimatika ne’ebé akontese hanesan Prezidenti Interina hateten ona katak Atauro rai ida ne᾽ebé geografikamente laiha produtivu atu produs hare, maibé produs de᾽it ai-fuan no batar.” Hatutan Sekretariu Estadu Protesaun Sivil
Governante ne᾽e relata APC nia kna’ar atu asegura sidadaun hotu-hotu tenke seguru husi kauza dezastre, hotu-hotu hatene ohin loron mundu tomak preokupa ho mudansa klimatika sai kauza boot ne᾽ebé afeita iha mundo tomak ema barak mak lakon vida nomos ema barak lakon sira-nia rikusoin kauza dezastre ida ne᾽e.
“Haree ba problema hirak ne’e ha᾽u hakarak husu ba (Word Food Program-WFP) iha tinan kotuk apoiu foos ba Autoridade Protesaun Civil (APC) hamutuk tonelada rihun-atus-haat haatnolu-resin-lima. Entaun ha᾽u iha hanoin saida mak ita tenke halo ba ita-nia sidadaun sira iha Teritorio Nasional afeita ba dezastre.” Relata Sekretariu Estadu Protesaun Sivil
Nia informa, ida primeru distribui ai-han ba teritorio tomak hamutuk tonelada atus-rua resin, espesial mak Atauru hanesan Prezidenti Interina Atauro haktuir foos sakas rihun-ida (1000). Apoiu rihun ida ne᾽e ho hanoin ida atu responde duni ba nesidade familia vulneravel sira nian liu-liu inan aman sira ne᾽ebé presiza ai-han fasilita ba nesesidade nian.
Iha fatin hanesan reprezentante Prezidenti Interina lori Prezidenti Autoridade Atauro, Mateus Belo hateten, agradese no apresiasaun boot ba Sekretariu Estadu Protesaun Sivil (SEPC) tanba apoiu ona foos ba Atauro ho numeru ne᾽ebé boot kompara ho Munisípiu sira seluk.
“Ha’u agradese tebes ba Sekretariu Estadu Protesaun Sivil ne’ebé apoiu ona foos sakas rihun atus-ida 1000 mai ami Postu-Administrativu Atauru. Nune’e foos ne’ebé apoiu atu haree ba komunidade vulneral liu-liu ba ferik katuas kbiit lae sira ne’ebé afeita ba dezastre naturais.” Dehan Reprezentante Prezidente Autoridade Atauru, Mateus Belo
Reprezentante Prezidente Autoridade Atauru hatutan, total populasaun iha Postu Atauru hamutuk rihun-sanulu resin-rua atus-lima nune’e kompostu husi Suku Lima hanesan Suku Villa Maumeta, Beloi, Makili, Makadadi nomos Bqueli.
Esplika liután Sekretáriu Estadu Autoridade Protesaun Sivil realiza sorumutu hodi fahe foos sakas rihun atus-ida 1000 ba Autoridade Administrativu Atauru nune’e bele apoiu ba familia vulneravel sira ne’ebé afeita ba dezastre naturais sempre akontese iha rai laran.
Reportajen : Nelfiano
Foto : Media SEPC