Dili, 30 Setembru 2025 (Média Democracia) – Komunidade Negosiante Progresivu KNP hamutuk ho Estudantes Universitariu Timor-Leste realiza komunikadu impresa no manifestasaun kontra Parlamentu Nasional iha loron 15 to’o 17 fulun setembru tinan 2025 hodi salva estadu republika demokratika de Timor-Leste husi politika esplorasaun ukun na’in sira nian, konferensia ne’e hala’o iha Tersa Semana ne’e.
Porta-voz Gregório B. Alves hateten, ezistensia KNP hamutuk ho EUTL nian hapara sosa kareta, alterasaun lei manifestasaun 100 metrus, halakon lei pensaun mensal vitalisia no aloka OJE ho Pursentu bo’ot ba sektor produtivu hanesan Agrikultura, Saúde, Edukasaun, Seguransa no Ekonomia.
“Rezistensia neʼebé Komunidade Negosiante Progresivo KNP hamutuk ho estudantes Universitariu Timor-Leste EUTL iha dia 15/09/2025 Porta-voz ho Parlamentu halo konkordansia katak sei hapara no la sosa viatura ba Deputadu 65 iha Parlamentu Nasional.” Dehan Porta-vóz Gregório B. Alves
Porta-voz hatutan, iha loron 16-17/09/2025 komunidade negosiante progresivo kontinua halo rezistensia hamutho ho EUTL hodi ejize ba Parlamentu Nasional halakon lei pensaun mensal vitalisia no alterasaun ba lei manifestasaun 100 mentrus nomos aloka orsamentu do estadu OGE ba sektor produtivu.
“Iha momentu ne’e kedas konkordansia entre manifestante EUTL ho Deputadu/a Bankada Lima iha Parlamentu Nasional, tuir akordu internasional ne’ebé hanaran Pakta sunservanda hodi halo konkordata tuir normas hodi halakon lei pensaun mensal vitalisia iha loron 25/09/2025.” Hatutan Porta-vóz
Nia haktuir, akordu neʼebé mensiona iha leten ho Deputadu/a sira iha Parlamentu Nasional husi bankada 5 hanesan CNRT, PD, KUNTO, PLP no FRETILIN kumpri ona sira-nia akordu neʼebé halo ho EUTL iha uma fukun Parlamentu Nasional.
“Hodi halo debate generalidade ba lei numeru 11 revogasaun pensaun mensal vitalisia iha ne’e rezulta vótasaun pasa ho unanimidade 61 kontra abstensaun 0. Signifika revogosaun ba lei numeru 11 pensaun mensal vitalisia pasa ho karakter Urjensia.” Haktuir Porta-vóz Gregório B. Alves
Nia informa tuir fali mai debate ba sesaun daruak nian iha loron 26 setembru 2025 debate kona-ba espesialidade projeitu lei numeru 11/(3a)-halakon pensaun mensal vitalisia ba Deputadu sira, ex-titulares no orgaun sira seluk ne’ebé pasa ho votus unanimidade afavor 62 kontra abstensaun 0, signifika katak votasaun ba lei especialidade final no global pasa.
Esplika liután iha ne’e nu’udar Komunidade Negosiante Progresivu ho fransamente atu dehan katak nafatin hamutuk ho EUTL kontinua rejistensia hodi husu ba Prezidente da Republika tenke uza nia kompetensia promulga revogasaun lei pensaun mensal vitalisia.
Reportajen : Nelfiano
Foto : Nelfiano