Dili, 01 Outubru 2025 (Média Democracia) – Secretario Estado Proteção Civil (Sigla-portugues SEPC) akompaña husi Prezidenti Autoridade Proteção Civil (APC) hamutuk ho Parseiru Jestaun Programa UNDRR, hala᾽o abertura Workshop kona-ba kapasitasaun Jestor Autoridade Proteção Civil (APC) oinsá atu haree no halo preparasaun atu responde ba dezastre ne’ebé akontese iha Timor-Leste. Workshop ne’e hala’o iha Similie Academy, Tersa semana ne’e.
Secretario Estado Proteção Civil, Domingos Mariano Reis hateten, lori IX Governo Konstitusional nia naran liuhusi (SEPC) hakarak agradese no apresiasaun ne᾽ebé bo᾽ot ba Programa UNDRR nomos Embaixada Portugal iha komitmentu hodi bele apoiu Proteção Civil liu-liu atu garante sosiedade Timor-Leste tenke seguru no rezilienti hasoru dezastre.
“Ohin ita hotu rona halo Programa UNDRR halo ona iha Jullo ida ne᾽e hanesan mata dalan ida atu dudu ita ba estratejia nasional nomos estratejia global sosiadade sira tenki moris ida seguru no reziliente hasoru dezastre, maibé oinsa mak ita-nia sidadaun sira atu seguru bainhira sira laiha koiñesimentu kona-ba kauza dezastre no sinais dezastre, oinsa atu prevene no oinsa atu kura, tanba ida ne᾽e programa nasional ba mitigasaun no prevenesaun ba redusaun risku dezastre iha Timor-Leste importante tebes bazeia ba Programa Nasional ba Proteção Civil nian.” Dehan Secretario Estado Proteção Civil, Domingos Mariano Reis
Secretario Estado Proteção Civil hatutan, kapasitasaun ba lideransa importante tebes oinsa atu hasa᾽e koiñesimnetu ba jestor kargu Xefia sira liu-liu bele jere rekursu umanu, rekursus finanseiru nomos rekursu fasilidade sira hodi halo preparasaun ida ne᾽ebé di᾽ak hodi bele resposta ba emergensia ba dezastre naturais ne’ebé akontese iha Timor-Leste.
“Seguransa Nasional katak sidadaun Timor-Leste hotu tenke seguru husi kauza dezastre iha Timor-Leste. Funsionamentu no Dezenvolvimentu Intituisional. Treinamentu ba loron ohin kapasitasaun ba lideransa sira hola parte mós husi Funsionamentu no Dezenvolvimentu Intituisional. Atu hasa᾽e koiñesimentu ba lideransa sira oinsá bele jere ida ne᾽ebé apropriadu hodi halo preparasaun di᾽ak ba resposta no rekoopera ba vitima sira husi kauza dezastre.” Hatutan Secretario Estado Proteção Civil
Secretario Estado afirma, liuhusi atividade ida ne᾽e oinsá atu aumenta tan koiñesimentu Funsionario nian nune᾽e bele alkansa objetivu no metas ba hanoin, hirak ne᾽ebé IX Governu Konstitusional hatur ona liu-liu oinsá bele redus estragus ne᾽ebé afeita tebes ba ema nia vida plantasaun no infrastuturas sira iha Timor-Leste.
Esplika liután relasiona ho atividade ohin nian kona-ba kapasitasaun ba jestor autoridade protesaun sivil nune’e bele aumenta koñesimentu hodi salva problema kauza dezastre naturais ne’ebé akontese iha Timor-Leste hodi afeita ba vitima. Aleinde ne’e partisipa iha Workshop ne’e husi Kargu Xefia APC Funsionario liñas Ministeriais no Parseiru relevante.
Reportajen : Nelfiano
Foto : Media APC