Dili, 01 Outubru 2025 (Média Democracia) – Sekretariu Estadu ba Formasaun Profissiona no Empregu SEFOPE liuhusil Diresaun Nasionál Empregu Estranjeiru realiza serimonia asina deklarasaun entre Governu, familia no traballador Timoroan, hodi aranka ba servisu iha Austrália. Atividade asina deklarasaun ne’e hala’o iha Palm Springs, Média Democracia asesu husi pajina Sefope, Kuarta semana ne’e.
Diretor Diresaun Nasional Empregu no Estranjeiru, João Correia Pereira hateten, iha serimonia ida ne’e, hanesan serimonia asina deklarasaun hamutuk ho familia no governu Timor-Leste, antes atu ba servisu iha nasaun Australia.
“Iha serimonia despedida asina deklarasaun ne’e koalia asuntu sira ne’ebé importante, ba traballadór sira hanesan, “fen ho laen, regulamentu, “absconding. Husi asuntu importante ne’e ha’u enkoraja fen ho lae tenke mantein amizade no fó konfiansa ba malu no halo komunikasaun di’ak. Husu mós ba inan aman atu komprende oan sira nia situasaun iha ne’eba nomos husu ba inan aman sira atu kolabora ho Governo hodi nune’e oan sira la bele ses husi sistema.” Dehan Diretor Diresaun Nasional Empregu no Estranjeiru, João Correia Pereira
Diretor hatutan, nafatin husu ba traballador tenke tau disiplina/atitude ne’ebé di’ak, tanba ba ho bandeira RDTL, no representa Nasaun RDTL, hanesan traballador Timoroan atu hatudu komportamentu ne’ebé di’ak no labele hanoin atu sai husi sistema.
“Ita-boot sira tenke hanoin ona, estadu la husu buat barak, estadu ida ne’e husu oinsa atu garante ita-boot sira-nia an no labele independente, aban bainrua imi moras saude saida mak imi bele halo no dala ruma ema sempre koalia SEFOPE haruka ema ba de’it servisu, maibé SEFOPE nunka haruka ema halo buat ida, husi parte estadu ka governu fiar katak imi mai husi Australia sempre halo buat balun ba imi nian an rasik no moris ho familia.” Hatutan Diretor Diresaun Nasional Empregu no Estranjeiru, João Correia Pereira
Nia afirma, daudaun ne’e SEFOPE mós loke ona programa ida naran Departamentu Re-integrasaun, karik imi balun partisipa ona ho programa Seminariu Re-integrasaun lao dadauk ba Munisipiu sira hotu ho objetivu atu fahe informasaun no survei ba traballador re-entry sira ne’ebé hetan susesu bainhira ba servisu iha Austrália.
Nia informa, ba familia, inan-aman, fen no laen sira, ba servisu tanba hakarak hadia moris nesesidade uma laran no ba familia, primeiru ba sira nian an rasik. see nia la kontenti signifika katak familia mós la kontenti, husu mós ba traballadór labele pratika arte marsiais iha ema nian nasaun liu-liu iha fatin publiku.
Esplika liután Sekretáriu Estadu Formasaun Profisional Empregu SEFOPE sei haruka traballadór hamutuk nain 114, kompostu husi mane 81 no feto 33. Traballador hirak ne’e sei ba servisu iha empregador 6 hanesan, Madec Costa Farm, Connect Group Rosse Farm, Connect Group Bogdani Ch, Eksternal Colour, Connect Group Ceforo, Connect Group Santana Maria.
Reportajen : Nelfiano
Foto : Media SEFOPE