Dili, 9 Outubru 2025 (Média Democracia) – Liuhusi komunikadu imprensa ne’ebé hato’o husi Adjunta Xefe Casa Sivil Henriqueta Maria da Silva ba eventu Maratona Internasionál Dili 2025, ho tema “Halai ba Palestina”, ho patrosíniu afirma no organiza husi Prezidente Republika José Ramos-Horta, iha kolaborasaun ho IX Governu Konstitusionál, hanesan Ministériu Juventude, Desportu Arte no Kultura, no Federasaun Atletizmu Timor-Leste. Afirma ba atleta no korredór sira ne’ebé atu mai partisipa iha Maratona Internasionál Dili 2025 la’ós de’it hetan lisensa maibé autoriza atu lori atributu palestinianu sira hanesan jestu ida ne’ebé forte ba Pás no fó solidariedade.
Adjunta Xefe Casa Sivil Henriqueta Maria da Silva hateten, Tema ba maratona tinan ida ne’e, “Halai ba Palestina,” hili atu reflete Timor-Leste nia kompromisu istóriku no metin ba justisa, no Pás ba povu Palestina. Ida-ne’e aliña ho prinsípiu prinsipál sira ne’ebé nasaun harii.
Ita-nia luta rasik ba independénsia harii iha fundasaun solidariedade internasionál nian. Iha espíritu hanesan ne’e mak agora ita hamriik hamutuk ho povu Palestina nian. Haree korredór sira ne’ebé lori bandeira Palestina nian ka uza nia kór sira iha dalan sira Dili nian sei sai hanesan testamentu ida ne’ebé emosionante ba ita-nia umanidade ne’ebé fahe no ita-nia esperansa koletiva ba Pás ida ne’ebé justu no duradoura. Maratona hanesan símbolu ida ba rezisténsia no espíritu umanu, no laiha dalan ida ne’ebé apropriadu liu mak atu kanaliza enerjia ida ne’e hodi bolu ba Pás no solidariedade.
Adjunta Xefe Casa Sivil Henriqueta Maria da Silva subliña katak, Maratona Internasionál Dili nian sempre liu fali eventu desportivu ida, ida-ne’e maka plataforma ida atu promove Pás, saúde no unidade globál. Edisaun 2025 sei aproveita plataforma ida-ne’e hodi amplifika mensajen ida apoiu nian ba kauza ida ne’ebé iha rezonánsia kle’an ho povu Timor-Leste.
Maratona Internasionál Dili 2025 hein atu simu partisipante lokál no internasionál sira iha loron 11 Outubru 2025, ba eventu memorável ida ne’ebé selebra atletismu enkuantu defende valór universál sira, justisa no kompaixaun nian. Mai ita halai ba Palestina no halai ba selebra Adezaun Timor-Leste ba ASEAN.
Reportajen : Komunikadu Imprensa PR
Foto : Media PR