Dili 14 Outobru 2025 (Média Democracia) – Sekretáriu Estadu Protesaun Civil hamutuk ho Cruz Vermelha Timor-Leste (CVTL) nomos Departamentu Banku e Sangue HNGV abertura ba atividade Doasaun ran hodi komemora loron Mundiál Redusaun Risku Dezastre kada tinan realiza iha loron 13 fulan Outobru, Doasaun ran ne’e realiza iha edifísiu CVTL Farmosa
Sekretáriu Estadu Protesaun Civil (SEPC) Domingos Mariano Reis, hatete ohin komemora loron Mundiál Redusaun Risku Dezastre APC hamutuk ho parseiru relevantes, liña ministeriasi sira sei realiza iha loron 23 Outobru 2025 Oecuse-Ambeno RAEOA.
“Objetivu husi atividade doasaun ran ne’e hodi tulun maluk sira ne’ebé moras presiza ran hodi salva sira-nia moris nune’e mak atu tama ba komemorasaun loron mundial redusaun risku dezastre APC hahu uluk ho atividade refere.” Dehan Sekretáriu Estadu Protesaun Civil SEPC, Domingos Mariano Reis
Sekretáriu Estadu hatutan Timor-Leste nu’udar membru país ida ba nasaun unidas hola parte hodi komemora loron mundiál ba redusaun risku dezastre atitividade ida ne’e dahuluk mak doasaun ran kada tinan APC kontirbui ran ba maluk sira ne’ebé presiza tulun hodi salva sira-nia moris.
“Ita hotu hatene misaun APC atu proteze no servi sidadaun Timorense hotu husi kauza dezastre no katástrofe no ohin loron halo doasaun ran hanesan parte ida husi asistensia umanitária hanesan servi no proteze maluk sira ne’ebé moras iha ospitál no atividade refere APC voluntarriamente no vontade hodi kontribui ran ba banku e sangue HNGV inklui fó apoiu aihan ba grupu vulneravél iha RAEOA hodi komemora LMRRD.” Hatutan Sekretáriu Estadu Protesaun Civil
Sekretáriu Estadu afirma, aleinde ne’e mós atividade refere servisu hamutuk entre CVTL hodi apoiu ran turuk ida hodi salva ema seluk nia vida liu-liu ema sira ne’ebé moras iha ospitál.
Iha fatin hanesan Sekretáriu Jeral Cruz Vermelha Timor-Leste (CVTL), Agapito da Silva hatete, hotu-hotu hotu hatene ohin loron ema hotu preokupa ho jestaun dezastre liga ho CVTL asesmentu lubuk ida mak liga ho mudansa klimátika.
“Atu redus risku dezastre xave importante mak sistema alerta sedu ida ne’e hanesan hola parte iha redusaun risku dezastre presiza minimiza tesi ai-horis iha protezida no seluk tan.” Dehan Sekretáriu Jeral Cruz Vermelha Timor-Leste, Agapito da Silva
Sekretáriu Jeral hatutan doasaun ran ne’e importante tebes tanba iha minutu ida nia laran ran turuk ida maran bele hakotu ema seluk nia vida no fó ran iha minutu ida bele salva maluk sira seluk nia moris
Esplika liután atividade doasaun ran ne’e mai husi, Funsionariu APC, Ajénsia ONU, Liñas Ministeriais, parseiru nasional no internasional. Kada tinan CVTL halo parseria ho liña ministeriais, APC, PNTL, F-FDTL, sosiedade sivil no estudante hodi halo sosializasaun no koperasaun buka ran hodi ajuda ema ida nia moris.
Reportajen : Nelfiano
Foto : Nelfiano