Dili, 15 Outubru 2025 (Média Democracia) – Sekretária Estadu ba Igualdade-SEI liuhusi Xefe-Departamentu Jurídiku-SEI, partisipa iha Diálogu komunitáriu ne’ebé organiza husi Ministériu Interior iha suku Lação, Postu-Administrativu Atsabe, Munisípiu Ermera hodi partilla informasaun kona-ba prevensaun Violénsia Bazeia ba Jéneru, Lei Kontra Violénsia Doméstika ba lider komunitáriu no komunidade sira. Dialogu ne’e Média Democracia asesu husi pajina S.E.I Kuarta semana ne’e.
Xefe-Departamentu S.E.I, Ferina Varela iha dialogu partilla informasaun Lei Kontra Violénsia Doméstika (LKVD), Prevensaun Violénsia Bazeia ba Jéneru hodi konxiensializa komunidade joven feto no mane sira hodi prevene Violénsia Doméstika, tanba violénsia doméstika sai nafatin kestaun sosiál ida ne’ebé krítiku afeta ba feto no grupu vulneravel sira.
“Objetivu partilla informasaun kona-ba lejislasaun sira ne’ebé nakait ho na’in ba rai, lei kontra violénsia doméstika, hametin rekomendasaun ruma ne’ebé bele sai hanesan pontuasaun ba servisu Ministériu Interior no S.E.I nian nune’e bele hasa’e konxiénsia komunidade kona-ba importánsia unidade, dame no estabilidade hodi kontribui ba dezenvolvimentu nasionál.” Dehan Xefe Departamentu S.E.I, Ferina Varela
Xefe Departamentu hatutan, prezensa reprezentatnte S.E.I iha suku Lacão lider komunitáriu, komunidade no joventude sira ne’ebé partisipa iha diálogu iha ona koñesimentu kona-ba Lei Kontra Violénsia Doméstika no Prevensaun Violénsia Bazeia ba Jéneru.
Esplika liután Sekretária Estadu ba Igualdade-SEI liuhusi Xefe-Departamentu Jurídiku-SEI, partilla informasaun ba komunidade sira iha Suku Lação Munisípiu Ermera, kona-ba prevensaun Violénsia Bazeia ba Jéneru nomos Lei Kontra Violénsia Doméstika ba lider komunitáriu no komunidade sira.
Reportajen : Nelfiano
Foto : Media S.E.I