Dili, 20 Outubru 2025 (Média Democracia) – Sekretariadu Estadu Formasaun Profisional no Emprego SEFOPE hetan vizita kortezia husi Empregador Nova Zelandia no reprezentante Embaixadora Nova Zelandia Timor-Leste atu diskute kona-ba progressu servisu bilateral entre nasaun Timor-Leste no Nova Zelandia iha future.
Iha entrevista ho Diretor Jeral SEFOPE Carlito do Rosario Cabral hateten, ohin SEFOPE hetan vizita kortezia ida husi empregador husi Nova Zelandia, objetivu husi vizita ida ne’e sei iha enkontru loron ohin nian primeira delegasaun husi nasaun Nova Zelandia reprezenta Governu no empregador husi Nova Zelandia, akompaña mós husi Embaixadora Nova Zelandia iha Timor-Leste nomos foin primeira vez mai vizita iha kedas SEFOPE atu haree kondisaun servisu no fatin formasaun sira.
“Vizita ida ne’e foin primeira vez sira atu mai haree ita-nia kondisaun no preparasaun sira hotu ba servisu kooperasaun sira ba futuru, prioridade liubá ita-nia joven sira, tanba ne’e maka ohin sira mai vizita hodi haree ita-nia kondisaun sira hanesan servisu fatin, hortikultura no agrikultura balun. Aban ami sei ba vizita fatin sira produsaun nian atu nune’e sira mós bele iha referensia hodi bele hadi’ak nafatin ita-nia servisu kooperasaun nomos hodi lori ita-nia joven sira atu ba servisu iha Nova Zelandia iha tempu badak nian laran.” Dehan Diretor Jeral SEFOPE Carlito do Rosario Cabral iha kaikoli 20/10/25
Diretor Jeral SEFOPE hatutan, iha aban sei vizita ba Munisipiu ne’ebé iha produsaun holtikultura no agrikultura nomos sei ba haree servisu kona-ba hadia AC nian iha railaku. Iha Munisipiu Dili sei ba vizita sentru formasaun sira nomos ba iha fatin ne’ebé baibain ita prepara ita-nia traballador sira teste SEFOPE nian, depois vizita sira ne’e iha ona referensia maka foin halo diskusaun servisu, no servisu saida mak sei halo iha future.
Nia reafirma, agora daudaun vizita ne’e empregador nain tolu husi Nova Zelandia maka mai iha Timor-Leste no akompaña kedas husi sira-nia Governador husi Nova Zelandia nomos reprezentante Embaixadora Nova Zelandia iha Timor-Leste. Atu dehan tan katak aban ne Governu nain rua sei halo vizita ba Munisipiu Aileu, Ainaro no bainrua sei ba liu Munisipiu Ermera.
Entretantu, Embaixadora Nova Zelandia iha Timor-Leste Helen Tunnah hateten, objetivu prinsipal husi vizita ida ne’e ekipa sira ne’ebé mai husi Nova Zelandia bele aprende kona-ba Timor-Leste nia kultura.
Reportajen : Domingas
Foto : Domingas