Dili, 23 Outubru 2025 (Média Democracia) – Seguransa Ministeriu Interior relaiza komunikadu imprensa atualiza informasaun kona-bá asuntu seguransa nian ba públiku Timor-Leste husi periodu 13-19 outubru 2025 ho transparante no kredivel. Komunikadu ne’e hala’o iha salaun Ministeriu Interior.
Porta-voz Superintendente Assistente Mouzinho T. Correia hateten, Seguransa Ministériu Interiór nian agradese tebes ba maluk jornalista sira ne’ebé nafatin patrilla informasaun kona-bá asuntu seguransa nian ba públiku Timor-Leste.
“Objetivu prinsipal husi konferensia imprensa ne’e atu atualiza informasaun kona-bá asuntu seguransa nian ba públiku Timor-Leste husi periodu 13-19 outubru 2025 ho transparante no kredivel no Insidente sira durante semana ida ne’e nia laran, iha insidente no asidente neʼebé akontese iha Teritóriu Nasional Timor-Leste.” Dehan Porta-voz Superintendente Assistente Mouzinho T. Correia
Porta-voz hatutan, Insidente sira ne’ebé númeru as liu (Top 5) iha semana ikus fulan setembru no primeira semana fulan outubru 2025 mak, komparasaun relatoriu Top 5 Insidente Por Semana haree ba iha loron 29-30/09/25 to’o 05/10/25 tipu violensia domestika ho total tolunulu resin-ida (31). Iha loron 06-12/10/2025 tipu violensia domestika ho total ruanulu (20). Iha loron 13 to’o 19/10/2025 tipu violensia domestika ho total ruanulu resin-haat (24) A/R 4. Iha loron 30/09/25 to’o 05/10/25 tipu asaltu ho total ruanulu (20). Iha loron 06-12/10/2025 tipu asaltu hamutuk sanulu resin haat (14). Iha loron 13 to’o 19/10/2025 tipu asaltu ruanulu resin-rua (22), A/R 8. Iha loron 29-30/09/25 to’o 05/10/25 tipu furtu ualu (8). Iha loron 06-12/10/2025 tipu furtu (1), iha loron 13 to’o 19/10/2025 tipu furtu hitu (7), A/R 6. Iha loron 29-30/09/25 to’o 05/10/25 tipu ameasa (2). Iha loron 06-12/10/2025 tipu ameasa (1). iha loron 13 to’o 19/10/2025 tipu lima (5) A/R 4. Iha loron 29-30/09/25 to’o 05/10/25 tipu burla (1). Iha loron 06-12/10/2025 tipu burla tolu (3). Iha loron 13 to’o 19/10/2025 tipu Burla tolu (3).
“Tuir munisipiu sira hanesan komparasaun relatoriu Top 5 insidente semenal por Munisipiu hahu husi Munisipiu Ainaru, violensia domestika (1), Aileu 1, Atauro la iha, Baucau 1, Bobonaru la iha, Covalima 1, Dili sanulu resin-hitu (17), Ermera, Lautem, Liquiça Manatutu no Manufahi la iha, Oecussi 1, Viqueque 2. Total kazu violensia domestika hamutuk ruanulu resin-haat (24). ba fali kazu asaltu Munisipiu Aileu la iha, Ainaro 1, Atauro, Covalima no Bobonaru la iha, Baucau 2, Dili sanulu resin-hotu (17), Lautem 2, Ermera, Liquiça, Manufahi, Manatutu, Viqueque no Oecussi la iha. Total kazu asaltu hamutuk ruanulu resin-rua (22). Ba fali kazu furtu Munisipiu Baucau ida (1), Dili neen (6), Munisipiu seluk la iha. Total hamutuk (7). Ba fali kazu ameasa Munisipiu Dili tolu (3) no Munisipiu Lautem ida (1), Manufahi ida (1), Munisipiu sira seluk la iha. Total hamutuk (5). Ba fali Burla Munisipiu Dili tolu (3), Munisipiu sira seluk la iha. Husi dadus sira ne’e maka insidente ne’ebé akontese barak liu iha Munispiu hanesan Dili, Baucau, Lautem, Ainaro no Viqueque.” Hatutan Porta-voz Superintendente Assistente
Porta-voz informa, husi 70 insidente hamosu 80 autos krime. Haree husi krime ne’e as liu (Top 5) iha semana dahat mak hanesan, Komparasaun Relatoru Semanal top 5 Tipu Krime Tipu Insidente/Munisipiu, 145º Ofensa ba Integridade fizika simples hahu husi loron 29/9/25 to’o 5/10/2025 hamutuk ruanulu resin-lima (25). Loron 6-12/10/25 hamutuk sanulu resin-tolu (13), hahu husi loron 13-19/10/2025 hamutuk ruanulu (20). 154-Maus-tratus ba kójuje hahu husi loron 29/9/25 to’o 5/10/2025 hamutuk ruanulu resin ida (21). Loron 6-12/10/25 hamutuk sanulu resin ida (11), hahu husi loron 13-19/10/2025 hamutuk sanulu resin haat (14), 157 Ameasa hahu husi loron 29/9/25 to’o 5/10/2025 hamutuk lima (5), loron 6-12/10/25 hamutuk sia (9), husi loron 13-19/10/2025 hamutuk neen (6). 258-Danu simples husi loron 29/9/25 to’o 5/10/2025 la iha (mamuk), loron 6-12/10/25 hamutuk (1), husi loron 13-19/10/2025 hamutuk (4). 316-kontrabandu husi loron 29/9/25 to’o 5/10/2025 la iha, loron 6-12/10/25 hamutuk (1), husi loron 13-19/10/2025 hamutuk (4).
“Sistema Jestaun Insidente PNTL ne’ebé instaladu iha 14 Komandu Munisipiu rejista insidente sira kada loron, maka iha loron 13-19 outubru 2025 insidente ne’ebé rejista hamutuk 70. Asidente Tráfiku sira involve motor no kareta, iha 28 asidente ne’ebé akontese iha terirtóriu nasionál tomak, Estadu no vitima mate la iha, vitima kanek todan hamutuk 14, kanek kmaan hamutuk 29.” Informa Porta-voz Superintendente Assistente Mouzinho T. Correia
Porta-voz reafirma, kazu seriu sira ne’ebé akontese iha peiodu 13-19 outubru 2025, hanesan iha loron 16/10/2025, akontese kazu deskunfia tara-a’an iha area PA Hatolia, Ermera. PNTL- DSIK hamutuk ho Eskuadra Hatolia rekolla informasaun no submete mate isin vitima Maria Cab, ba autopsia. Iha loron 17/10/2025 Polisia Nasionál Timor-Leste asegura sidadaun estranjeiru (Bangladesh) tanba iha indisiu forti katak tenta atu tama ilegalmente ba Australia. Hafoin halo identifikasaun, PNTL entrega sidadaun estranjeiru sira ne’e ba parte servisu Migrasaun hodi aplika sansaun tuir lei Migrasaun nian. Iha loron 21/10/2025, PNTL ho ekipa konjuntu operasaun sekreta sira halo apresaun ba sasan kontrabandu iha area Maubara. Sasan hirak ne’e kompostu husi bebidas. Relasiona ho kazu ne’e, PNTL liuhusi DSIK halo identifikasaun ba suspeitu nain rua mak ho inisial AJS no A.L.X.C. d S). Iha loron 22/10/2025. PNTL ho ekipa konjunta operasaun sekreta mós halo intervasan ba kareta Kamioneta 5 husi Indonesia (Atambua) ne’ebé tula mina hatama mai Timor-Leste. Ilegalmente ho modus subar iha kareta okos (ho jerigen subar iha kareta sasi nia laran). Aleinde mina, ekipa konjunta mós prende ba osan cash ho montante USD boot sein dokumentu husi Autoridade Indonesia no Timor-Leste. Relasiona ho kazu ne’e, Polisia identifika sidadaun Indonesia nain 6 mak involve iha kazu ne’e ho inisial OSH, YOL, MS, IF, PSDS no KIM. Durante semana ikus, PNTL, Alfaesa, no ekipa servisu sekreta sira realiza operasaun ba produtus ilegais sira no produtu balun ne’ebé hatama ilegalmente hodi desvia taxa ba Estadu. Operasaun iha Kapital Dili, Kapital Maliana no Suai konsege halo aprensaun ba produtu sira ne’ebé temi ona.
Porta-voz afirma Ministeriu Interior mós hatama reseitas ba Estadu liuhusi reseita hamutuk USD 148,940.00. Sirkulasaun transporte estranjeiru pezadu no lizeiro neʼebé tama iha Teritório Nasionál Timor-Leste, Polísia Tránzitu iha Posto Integradu sira mós rekollā reseitas husi movimentu transporte refere. Iha Fronteira Terestre hanesan. Tabela iha kraik Relatorio Taxa Reseitas ne’ebé kolekta husi Fronteira Postu 4 (Batugede/Salele/Sacato/Oesilo) husi loron 13 to’o 19 Outubru 2025. Total Osan $3.410.00.
“Hare husi tabela sira ne’e mak koleta taxa husi infrasaun ne’ebé komete husi veikulu sirkula iha territoriu Timor-Leste hahu husi loron 13 to’o 19 fulan outubru tinan 2025 husi tabela ne’e hatudu koimas ne’ebé tama ba taxa estadu nian husi loron ne’ebé porta-voz mensiona ona rejistu iha sistema jestaun insidente no rejistu manual husi tranzitu nasional osan koimas infrasaun hamutuk total $.12, 942.00.” Afirma Porta-voz Superintendente Assistente
Porta-voz reafirma, movimentu sidadaun estranjeiru no reseitas husi dadus ne’ebé diresaun nasional migrasaun kontrola no rejistu ba movimento ema estranjeiru tama no sai iha teritoriu nasional Timor-Leste nian hanesan movimentu estrada feto 3073, mane 4879 total 7952, movimentu sai feto 3521 mane 5404 total 8925, servisu migrasaun no PNTL liuhusi diresaun tranzitu rodaviariu hatama reseitas iha periodu refere hamutuk USD 35,890.00+12,942.00 ho ninian total USD 48,832.00
Ikus liu mensajen husi Ministeriu Interior alerta ba maluk sira hotu ba Timoroan katak iha ema estranjeiru balun hahu tama mai iha Timor-leste ho objetivu hodi kontinua ba Australia liuhusi dalan ilegal sira. Liuliu aluga peskador sira nia ro hodi halo viajen ba Australia tanba ne’e Miniateriu Interior apela ba maluk sira hotu liuliu ba maluk sira ne’ebé iha ro ka peskador sira karik iha sidadaun estranjeiru ruma mak atu aluga ro hodi halo viajen ba Australia ilegalmente husu para atu informa ba autoridade sira atu nune’e bele halo prevensaun kuandu maluk sira fasilita.
Reportajen : Domingas
Foto : Domingas