Dili 24 Outubru 2025 (Média Democracia) – Sekretaria Estadu ba Igualdade (SEI) ho parseiru apoiu husi To’os ba Moris Di’ak (TOMAK) fó formasaun ba funsionáriu/a hodi bele halo komunikasaun ho ema ho defisiénsia kona-ba koalia no Rona, formasaun ne’e Media Democracia asesu husi pajina SEI Sexta semana ne’e
Diretór-Jerál SEI, Armando da Costa, hatete formasaun ne’e realiza ho objetivu ida de’it atu bele fasilita no hadia komunikasaun funsionáriu/a Sekretaria Estadu ba Igualidade nian ho maluk sira ne’ebé ho defisiénsia rona no ko’alia.
“Formasaun ne’e ho meus saida de’it ita bele halo komunikasaun importante ita bele kompriende meus ne’e ho baze ne’e mak hahu loron ohin ho kooperasaun SEI ho TOMAK fasilita husi KDTL bele realiza formasaun lia jestual ba dahuluk iha SEI objetivu ida de’it atu bele fasilita komunikasaun entre ami ho maluk sira ne’ebé iha defisiénsia ko’alia no rona.” Dehan Diretór-Jerál SEI, Armando da Costa
Diretór-Jerál SEI hatutan bainhira bele komunika ona buat barak mak sei bele realiza objetivu barak mak sei bele atinji ba tempu naruk sei hola parte iha implementasaun Planu Asaun Nasionál kona-ba ema ho Defisiénsia maibé ba dala uluk sei halo formasaun ida kona-ba lian jestual nian
GEDSI Adviser TOMAK, Gianluca Nardi hatete, governu Austrália orgullu tebes servisu parseria ho Sekretaria Estadu ba Igualdade durante tinan ida fasilita ona formasaun iha foti desizaun uma-kain, hidroponika no seluk tan.
“Toos ba moris di’ak nia programa ba moris di’ak husi governu Austrália orgollu tebes servisu parseria ho SEI, durante tinan ida servisu hamutuk fasilita formasaun ba formadór sira kona-ba foti desizaun uma-kain, inkluzaun defisiénsia hidroponika no negósiu agora kontinua formasaun lian jestual ne’ebé hetan finansiamentu husi TOMAK no treinamentu ne’ebé fasilita husi Klibur Defisiénsia Tilun Timor-Leste (KDTL).” Dehan GEDSI Adviser TOMAK, Gianluca Nardi
GEDSI Adviser TOMAK hatutan \programa ida ne’e iha potensiál atu hamosu impaktu ou eskala bo’ot ba SEI sai nu’udar pioneru ba maneira foun atu servisu ho grupu vulnerável sira no potensiálmente sai ezemplu instituisaun governu no seluk tan
Esplika liután Sekretaria Estadu ba Igualdade ho parseiru apoiu husi To’os ba Moris Di’ak (TOMAK) fó formasaun ba funisonáriu/a hodi bele halo komunikasaun ho ema ho defisiénsia ko’alia no Rona liuhusi maneira jestual nian, relasiona ho formasaun lian jestual sei hala’o durante fulan ida iha edisfisiu SEI.
Reportajen : Nelfiano
Foto : Media SEI