Dili 04 Novembru 2024 (Media Democracia)- Autoridade Protesaun Civil (APC) liuhusi ekipa Gabinete Relasaun Externa no Komunikasaun relata dadus semanal kona-ba akontesementu dezastre naturais iha Timor-Leste, durante semana ida nia laran, konferénsia ne’e hala’o iha salaun APC Caicoli Dili
Tuir Diretor Gabinete Relasaun Externa no Komunikasaun (GREK) , Cesario da Silva Marques, informa katak Autoridade Protesaun Civil rejistu kazu dezastre hamutuk tolu-nulu-resin-ualu (38), iha semana ne’e nia laran tanba kauza husi mudansa klimatika ho tipu diferente.
“Durante semana ida ne’e nia laran iha Timor-Leste akontese tipu dezastre naturais nune’e Autoridade Protesaun Civil rejistu kazu uma ne’ebé hetan estragu hamutuk sanulu-resin-sia 19, anin-boot sobu uma hamutuk sanulu-resin-lima 15, insendiu ahi han uma hamutuk lima 5, ema afetadu ba dezastre hamutuk hitu-nulu-resin-haat 74, priense kriteria hamutuk nasulu-resin ualu 18, apoiu emejensia ema ida 1, numeru evakua vitima hamutuk ema na’in sanulu-resin-tolu 13. Kauzu hirak ne’ebé autoridade rejistu tanba kauza husi mudansa klimatika ne’ebé akontese iha ita nia rai.” Dehan Diretor Gabinete Relasaun Externa no Komunikasaun (GREK) , Cesario da Silva Marques
Nia hatutan Dezastre ne’ebé akontese iha Munisípiu sira hanesan Munisípiu Likisa anin-boot sobu uma sanulu-resin-tolu 13, iha Munisípiu Viqueque anin-boot sobu 2, Munisípiu Lautem anin boot sobu 1, iha Munisípiu Covalima ahi han uma no sasan hamutuk 3, numeru ema afetadu iha Munisípiu Covalima ema na’in 13, iha Munisípiu Lautem ema na’in 2, iha Munisípiu Likisa ema na’in 3, iha Munisípiu Viqueque ema na’in 56, ida mak dezastre ne’ebé akontese ba semana ida nia laran iha Munisípiu.
Esplika liután katak daudaun ne’e Komandu Autoridade Protesaun Sivil ne’ebé destakadu iha munisípiu hamutuk ho nia parseiru relevante fornese asistensia emerjénsia ba familia afetadu sira ba dezastre naturais hanesan ai-han no laos ai-han (Food item & non-food item). Nune’e Komandu Operasional Autoridade Protesaun Sivil Munisípiu kontinua hodi halo levantamentu detaillu kona-ba sasan ne’ebé estragu no lakon.
Reportajen : Nelfiano
Foto : Estefania