Dili 30 Outubru 2025 (Média Democracia) – Ekipa Sekretariadu Komisaun ba prosesu rekrutamentu, ofisialmente publika sai orariu ba prova ba kandidatu ajente PNTL foun ne’ebé partisipa ona iha ezame prova kultural sei kontinua prova aptidaun Fisiku, Intervista Professional no Psikolojia hahu iha loron 06 Fulan Novembru to’o loron 31 Fulan Dezembru 2025 iha Sentru Formasaun Polisia Akademia Komoro. Konferensia ne’e hala’o iha Centru Formasaun Polisia Comoro
Porta-voz Komisaun Rekrutamentu Kadetes Foun Komandante, Antonio da Luz hateten, iha konferensia prova aptidaun ne’e hala’o bazeia ba alterasaun dahuluk ba diploma Ministerial No.17/2025 loron 25 Juñu ba diploma Ministerial No.37/2025 loron 10 Outobru halo alterasaun kona-ba resultadu teste husi eliminatoriu ba fali akumulativu exeptu prova mediku sei aplika aptu no la aptu.
“Husu ba kandidatu sira ne’ebé partisipa ona prova kultural nian atu mai tuir prova aptidaun fisiku, intervista profesional no prova psikolojia ne’ebé sei realiza hotu iha Sentru Formasaun Polisia Akademia Comoro, iha loron 06 Fulan Novembru to’o loron 31 Fulan Dezembru 2025.” Dehan Porta-voz Komisaun Rekrutamentu Kadetes Foun Komandante, Antonio da Luz
Porta-voz hatutan, prova aptidaun Fisiku, Intervista Professional no Psikolojia, komisaun rekrutamentu sei halo atendimentu ba kadidatu sira loron ida ema nain atus tolu (300), maibé fahe tuir orariu kada Munisipiu inklui RAEOA no Atauro. Tanba ne’e prova aptidaun tuir mai sei hahu iha loron 06 to’o 08 Novembru 2025, kandidatu husi Munisipiu Aileu ho Atauro mak hahu iha dader atende kandidatu 150 iha oras: 7.30-12.30 no parte loraik atende 150 iha oras 13.30-17.30 to’o remata.
“Iha Munisípiu Ainaru hahu iha loron 10 to’o 13, Munisípiu Baucau prova aptidaun tuir mai hahu iha 14 to’o 17, kontinua Munisípiu Bobonaro iha loron 18 to’o 20, Munisípiu Covalima hahu iha loron 21 to’o 22, no iha Munisípiu Dili kantidatu ne’ebé subemte dokumentu iha Sentru Formasun Polisia (CFP) hahu prova aptidaun tuir mai iha loron 24 to’o 01 Dezembru 2025.” Hatutan Porta-voz
Porta-voz afirma aleinde ne’e, iha loron 02 to’o 09 Dezembru Kadidatu ne’ebé submete dokumentu iha Munisípiu Dili mak tuir fali prova aptidaun tuir mai, hafoin kotinua ba Munisipiu Ermera hahu iha loron 10 to’o 12, Munisípiu Lautem loron 13 to’o 15, Munisípiu Likisa loron 16 to’o 17, Munisípiu Manatuto loron 19 to’o 20, Munisípiu Manufahe loron 22 to’o 23, Munisípiu Oekussi loron 26 to’o 27 no Munisípiu Viqueque iha loron 29 to’o 30 Dezembru 2025.
“Bainhira kantidatu sira partisipa ona iha prova aptidaun fisiku iha dader sei kontinua intervista professional iha parte loraik, depois iha fali dader kontinua kedas texte Psikolojia nian no kandidatu sira ne’ebé tuir prova aptidaun fisika iha parte loraik sei kontinua fali inervista professional iha dader no loraik kontinua kedas texte Psikolojia.” Afirma Porta-voz Komisaun Rekrutamentu Kadetes Foun Komandante, Antonio da Luz
Nia informa, durante prova aptidaun Fisiku, Intervista Professional no Psikolojia, kandidatu feto no mane labele haluha lori dokumentu no material ne’ebé kandidatu sira presisa lori hanesan kartaun eleitoral original ou bilhete identidade (bi) original, resivu prova kultural nian no kandidatu ida-idak sei lori ninia hahan ka bee hemu rasik durante teste iha Sentru Formasaun Polisia Akademia Comoro.
“Iha prova aptidaun Fisiku nian ba kandidatu Feto no Mane iha obrigasaun tenki lori, sapatu kest/olah raga, kalsa badak ou training, kamisola/kaos no iha faze intervista profesional no teste psikolojia kandidatu sira sei tenke uza sapatu, kalsa naruk, faru liman badak ou naruk tenke mós no kaber.” Informa Komisaun Rekrutamentu Kadetes Foun Komandante, Antonio da Luz
Nia salienta durante prova aptidaun hahu to’o remata proibidu bandu kandidatu feto no mane sei la autoriza hasai foto durante prova aptidaun fisiku, intervista profesional ho prova psikolojia, nomos bandu la autoriza aman/inan ka familia atu akompaña kandidatu sira tama iha fatin prova nian.
Esplika liután tanba ne’e ba kantidatu feto no mane sira ne’ebé partisipa ona iha prova kultural atu kontinua ba prova aptidaun tuir mai ho orariu ne’ebé temi ona iha leten bele iha mudansa kada tempu, tanba ne’e husu ba kandidatu sira atu nafatin komunika ho sekretariadu rekrutamentu hodi bele hetan konfirmasaun hodi partisipa iha texte sira tuir mai sei hala’o hotu iha Sentru Fromasaun Polisia Comoro.
Reportajen : Nelfiano
Foto : Nelfiano