Dili 03 Novembru 2025 (Media Democracia) – Forsa Konjunta, Polisia Nasional Timor-Leste (PNTL) ho FALINTIL-Forsa Defeza Timor-Leste (F-FDTL) kumpri diretiva politika preparadu garante seguransa hakmatek iha sermonia nasional, Finadu no selebra natal no tinan foun ha Territoriu Timor-Leste. Media Democracia asesu husi pajina PNTL Sexta semana ne’e
Xefe Estadu Maiór Forsa Armada (XEMFA) Tenente Jenerál Domingos Raul “Falur Rate Laek” iha diskursu hatete Insituisaun Seguransa no Defeza Timor-Leste, ohin iha momentu istóriku ida ne’ebé ultrapasa serimónia formatura simples ida. Momentu ohin reprezenta sinteze institusionál ita-nia nasaun joven, ne’ebé inkorpora iha Forsa Tarefa Konjunta ne’ebé dezeña atu garante dame no hakmatek durante periodu kritiku sira iha ita-nia vida nasionál
“Ita-nia trajetória nu’udar nasaun ida hatudu ho klaru katak susesu iha pilar fundamentál tolu mak hanesan respeitu, adezaun rigorozu ba kadeia komandu, no kapasidade atu serbisu hamutuk. Prinsipiu sira-ne’e orma dezde tempu eroiku sira luta libertasaun nian, kontinua sai ita-nia matadalan institusionál prinsipál.” Xefe Estadu Maiór Forsa Armada (XEMFA) Tenente Jenerál Domingos Raul “Falur Rate Laek” hatete iha ambitu Formatura Konjuta PNTL ho F-FDTL iha Kuartel Bairu Pitte Dili Ohin Kinta- Feira.
Tenente Jenerál hatutqn diretiva politika ne’ebé Konsellu Ministru aprova la’ós de’it dokumentu administrativu, maibé marku estratéjiku ida neʼebé reafirma ita-nia maturidade institusionál. Iha kontestu ida-ne’e, ita hetan tan responsabilidade adisionál ida, liuliu hafoin adezaun istórika Timor-Leste nian ba ASEAN iha loron 26 fulan-Outubru iha Kuala Lumpur. Forsa Tarefa Konjunta entre F-FDTL no PNTL la’ós de’it reprezenta estratéjia operasionál ida, maibé simboliza unidade nasionál.
“Ita-nia misaun ba periodu kritiku sira neʼebé sei mai-28 Novembru, Loron Finadu nian, Natál, no Loron Tinan Foun nian-sei ezije husi ita ida-idak sentidu aas liu kona-ba responsabilidade institusionál no kompromisu ba dame.” Haktuir Tenente Jenerál
Tenente Jenerál esplika integrasaun Timor-Leste foin lalais ne’e iha ASEAN habelar esponensiálmente ita-nia responsabilidade. Agora ita hetan observasaun la’ós de’it internalmente, maibé husi komunidade rejionál ida ne’ebé hein ita nia maturidade, profisionalizmu no abilidade jestaun institusionál husi ita.
“Ha’u hakarak husu PNTL ho F-FDTL Tenki respeitu ba malu, kadeia komandu ne’ebé rigorozu no kolaborasaun inter-institusionál mak vetór sira ne’ebé sei lori ita ba susesu. Ne’e la’ós formalidade de’it, maibé devér sagradu ba ita-nia ezisténsia nu’udar instituisaun Estadu nian. Ba PNTL, ha’u renova ita-nia kompromisu institusionál atu serbisu iha ambiente kolaborasaun absoluta, komplementaridade, no respeitu ba malu. Hamutuk, ita mak garantia estabilidade Timor-Leste nian.” Tanente Jeneral relata
Tanente Jeneral afirma paz la’os kondisaun ida, maibe prosesu konstrusaun ne’ebe kontinua. No ita sira hotu maka ninia arkitetu prinsipál. Ba Rai Doben Timor-Leste ba Dame ba Estabilidade
Esplika liután parada formatura Operasaun Ouro Forsa Tarefa Konjunta F-FDTL ho PNTL Prejide husi Xefe Estadu Maiór Forsa Armada (XEMFA) Tenente Jenerál Domingos Raul “Falur Rate Laek”, akompaña husi Komandante Jerál PNTL Komisariu Jerál Polisia Henrique da Costa hamutuk ho Segundu Komandante Jerál PNTL Komisariu Polisia Pedro Belo, Maijor Jenerál F-FDTL Cornelio Ximenes “ “Maunana” hamutuk ho ofisial superior PNTL ho F-FDTL sira iha Kaurtel Unidade Espesial Polisia Bairu Pite Dili.
Reportajen : Nelfiano
Foto : Media PNTL