Dili, 11 Novembru 2025 (Média Democracia) – Autoridade Protesaun Civil autualiza informasaun iha semana ida nia laran husi loron 27 Fulan Outubru to’o loron 03 fulan Novembru tinan 2025, Protesaun Sivil rejistu familia uma-ka’in hamutuk 8 hetan estragus husi dezastre naturais ne’ebé akontese iha Munisípiu 4. Konferensia ne’e hala’o iha salaun APC Caicoli Dili.
Xefe Seksaun no Komunikasaun XSK, Genoveva Fernandes Almeida hateten, durante akontesimentu dezastre naturais iha Munisipiu haat, APC registu uma latama kriteria apoiu de’it emerjensia uma 2 no numeru uma ne’ebé priense kriteria ka afetadu hamutuk 6, nune’e APC Munisípiu apoiu kedas emerjensia ba vitima sira ne’ebé hetan dezastre.
“Iha semana ida nia laran iha Munisípiu haat hanesan Lautem, Manatutu, Manufahi nomos Viqueque, nune’e Autoridade Protesaun Sivil rejistu xefe familia uma-ka’in hamutuk 6 hetan estragus husi dezastre naturais, apoiu de’it emerjensia 2 ne’ebé akontese ba ema afetadu 49 no evakua 10 no lakon vida na’in 1.” Dehan Xefe Seksaun no Komunikasaun XSK, Genoveva Fernandes Almeida
Xefe Seksaun Komunikasaun APC hatutan, iha Munisípiu 4 mak APC rejistu uma estragus 8 hetan estragus husi, anin sobu uma 4, ahi-han uma 4 no ema mate ida, uma sira ne ‘e hetan estragus husi dezastre ne’ebé akontese durante semana ida entre fulan Outubru no Novembru nia laran.
“Munisípiu ne’ebé hetan estragus hanesan Munisípiu Lautem, Postu Lospalos, Suku Fuiloru, Aldeia 30 de Agostu, iha loron 29/10, akontese anin-sobu komunidade nia uma ida la tama kategoria tanba uma dapur no simu de’it apoiu emerjensia. Munisípiu Manatutu, Postu Laclo, Suku Uma Naruk, Aldeia Bua, iha loron 21/10/2025 akontese ahi-han komunidade nia uma 1, la tama kategoria tanba uma dapur no simu deit apoiu emerjensia. Iha Suku Hoho Rai, Aldeia Hatuanahu, iha loron 21/10, akontese anin-sobu komunidade nia uma 1, aat kaman. Iha Postu Soibada, Suku Fatumakerek, Aldeia Lesuata, loron 02/11, akontese ahi-han komunidade nia uma 1 aat total no ema ida lakan vida. Iha Suku Orlalan, Aldeia orlalan, iha loron 03/11/2025 akontese ahi-han komunidade nia uma 1, aat total.” Hatutan Xefe Seksaun no Komunikasaun
Nia informa, iha Munisípiu Manufahi, Suku Daisua, Aldeia Lesulau, loron 18/10, akontese anin-sobu komunidade nia uma 1, aat kaman. Aleinde ne’e iha Munisípiu Viqueque, Suku Makadiki, Aldeia Matadalan, iha loron 25/10, akontese ahi-han Komunidade nia uma 1, aat, Postu Watu-Lari aat Totál. Suku Builo, Aldeia Derulo, iha loron 20/10, akontese anin-sobu Komunidade nia uma 1, aat kaman.
Esplika liután Komandu Autoridade Protesaun Civil destakadu iha Munisipiu hamutuk ho Parseirus relevante fornese asistensia emerjensia ba familia afetadus sira hanesan ai-han no laos ai-han (food item & Non-food Item). Komandu Operasional Autoridade Protesaun Sivil (APC) Munisípiu sira sei kontinua halo hela levantamentu detaillus kona-ba sasan ne’ebé estragus no lakon.
Reportajen : Nelfiano
Foto : Nelfiano